________________ 1236 अंग-पविट्ठ सुत्ताणि तेणेव उवागच्छइ 2 ता पंचहि पंडवेहि सद्धि एगयओ मिलइ 2 ता खंधा. वारणिवेसं करेइ 2 ता पोसहसालं अणुप्पविसइ 2 ता सुट्ठियं देवं मणसि. करेमाणे 2 चिट्ठइ / तए णं कण्हस्स वासुदेवस्स अट्ठमभत्तंसि परिणममाणंसि सुटिओ जाव आगओ -भण देवाणुप्पिया ! जं मए कायध्वं / तए णं से कण्हे वासुदेवे सुट्टियं देवं एवं वयासी-एवं खलु देवाणुप्पिया ! दोवई देवी जाव पउमणाभस्स भवर्णसि साहरिया, तण्णं तुमं देवाणुप्पिया ! मम पंचहि पंडवेहि सद्धि अप्पछट्ठस्स छण्हं रहाणं लवणसमुद्दे मग्गं वियरेहि जणं अहं अवर. कंकारायहाणि दोवईए कूवं गच्छामि / तए णं से सुट्टिए देवे कण्हं वासुदेवं एवं वयासी-किण्हं देवाणप्पिया ! जहां चेव पउमणाभस्स रणो पुत्वसंगइएणं देवेणं दोवई जाव संहरिया तहा चेव दोवई देवि धायईसंडाओ दीवाओ भार. हाओ जाव हत्थिणाउरं साहरामि उदाहु पउमणाभं रायं सपुरबलवाहणं लवण. समुद्दे पक्खिवामि ? तए णं से कण्हे वासुदेवे सुट्टियं देवं एवं वयासी-मा णं तुम देवाणुप्पिया ! जाव साहराहि, तुम णं देवाणुप्पिया ! मम लवणसमुद्दे पंचहि पंडहिं सद्धि अप्पछट्ठस्स छण्हं रहाणं मग्गं वियराहि, सयमेव णं अहं दोवईए कुवं गच्छामि / तए णं से सुटिए देवे कण्हं वासुदेवं एवं वयासी-एवं होउ / पंचहि पंडवेहि सद्धि अप्पछटुस्स छण्हं रहाणं लवणसमद्दे मगं वियः रइ / तए णं से कण्हे वासुदेवे चाउरंगिणी सेणं पडिविसज्जेइ 2 ता पंचहि पंडवेहि सद्धि अप्पछठे छहिं रहेहि लवणसमुई मझमज्झेणं वीईवयइ 2 ता जेणेव अवरकंका रायहाणी जेणेव अवरकंकाए रायहाणीए अग्गज्जाणे तेणेव उवागच्छइ 2 ता रहं ठवेइ 2 ता दास्यं सारहिं सद्दावेइ 2 ता एवं वयासीगच्छह णं तुमं देवाणुप्पिया ! अवरकंकारायहाणि अणुप्पविसाहि 2 ता पउम णाभस्स रणो वामेणं पाएणं पायपीढं अक्कमित्ता कुंतग्गेणं लेहं पणामेहि तिवलियं भिडि णिडाले साहट्ट आसुरुत्ते रुठे कुद्धे कुविए चंडिक्किए एवं व०-हं भो पउमणाभा! अपत्थियपत्थिया! दुरंतपंतलक्खणा! होणपुण्णचाउद्दसा! सिरीहिरिधीपरिवज्जिया ! अज्ज ण भवसि किण्णं तुम ण याणासि कण्हस्स वासुदेवस्स भगिणि दोवई देवि इहं हवमाणमाणे ? तं एयमवि गए पच्च. प्पिणाहि णं तुमं दोवई देवि कण्हस्स वासुदेवस्स अहव णं जुद्धसज्जे णिग्गच्छाहि एस णं कण्हे वासुदेवे पंचहि पंडवेहि सद्धि अप्पछठे दोवईए देवीए कूवं हव्व.
