Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1248

णायाधम्मकहाओ अ. 16 1235 जामेव दिसि पाउन्भूया तामेव दिसि पडिगया। तए णं से कण्हे वासुदेवे कोडुंबियपुरिसे सद्दावेइ 2 ता एवं वयासी-गच्छह गं तुब्भे देवाणुप्पिया ! बारवइं णरि एवं जहा पंड तहा घोसणं घोसावेइ जाव पच्चप्पिणंति पंडस्स जहा तए णं से कण्हे वासुदेवे अण्णया अंतोअंतेउरगए ओरोहे जाव विहरइ / इमं च णं कच्छल्लणारए जाव समोवइए जाव णिसीइत्ता कण्हं वासुदेवं कुसलोदंतं पुच्छइ / तए णं से कण्हे वासुदेवे कच्छुल्लं णारयं एवं वयासी-तुमं गं देवाणुप्पिया ! बहूणि गामागर जाव अणुपविससि, तं अत्थि-याइं ते कहिंचि दोवईए देवीए सुई वा जाव उवलद्धा ? तए णं से कच्छुल्लणारए कण्हं वासुदेवं एवं वयासी-एवं खलु देवाणुप्पिया! अण्णया धायईसंडे दीवे पुरथिमद्धं दाहिगड्डभरहवासं अवरकंकारायहाणि गए, तत्थ णं मए पउमणाभस्स रण्णो भवणंसि दोवई देवी जारिसिया दिट्टपुटवा यावि होत्था / तए णं कण्हे वासुदेवे कच्छुल्लं एवं वयासी-तुभं चेव णं देवाणुप्पिया ! ए (यं)वं पुवकम्मं / तए णं से कच्छुल्लणारए कण्हेणं वासुदेवेणं एवं वुत्ते समाणे उप्पणि विज्ज आवाहेइ 2 ता जामेव दिसि पाउन्भूए तामेव दिसि पडिगए / तए णं से कण्हे वासुदेवे दूयं सद्दावेइ 2 ता एवं वयासी-गच्छह णं तुम देवाणुप्पिया ! हथिणाउरं पंडुस्स रण्णो एयमझें णिवेदेहि-एवं खलु देवाणुप्पिया ! धायइसंडे दीवे पुरच्छिमद्धे अवरकंकाए रायहाणीए पउमणाभभवणंसि दोवईए देवीए पउत्ती उवलद्धा। तं गच्छंतु पंच पंडवा चाउरंगिणीए सेणाए सद्धि संपरिबुडा पुरस्थिमवेयालीए ममं पडिवालेमाणा चिट्ठतु / तए णं से दूए जाव भणइ (जाव) पडि. वालेमाणा चिटुइ / तेवि जाव चिट्ठति / तए णं से कण्हे वासुदेवे कोडंबियपुरिसे सद्दावेइ 2 ता एवं वयासी-गच्छह गं तुब्भे देवाणप्पिया ! सण्णाहियं र तालेह / तेवि तालेति / तए णं तीसे सण्णाहियाए भेरीए सह सोच्चा समदृविजयपामोक्खा दस दसारा जाव छप्पण्णं बलवयसाहस्सीओ सण्णद्धबद्ध जाव गहियाउहपहरणा अप्पेगइया हयगया (अप्पेगइया) गयगया जाव वग्गुरापरिक्खित्ता जेणेव सभा सुहम्मा जेणेव कण्हे वासुदेवे तेणेव उवागच्छंति 2 ता करयल जाव वद्धाति / तए णं से कण्हे वासुदेवे हत्थिखंधवरगए सको. रेंटमल्लदामेणं छत्तेणं धारिज्जमाणेणं सेयवर० हयगय 0 महया भडचडगरपहकरेणं बारवईए णयरीए मझमज्जेणं गिग्गच्छइ 0 जेणेव पुरथिमवेयाली