Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1245

अग-पान 1232 अंग-पविट्ठ सुत्ताणि चुलणीए देवीए अत्तया पंडस्स सुहा पंचण्हं पंडवाणं भारिया दोवई देवी स्वेण य जाव उक्किटुसरीरा / दोवईए णं देवीए छिण्णस्सवि पायंगुद्वयस्स अयं तव ओरोहे सइमंपि कलं ण अग्घइ-त्तिकटु पउमणाभं आपुच्छइ 0 जाव पडिगए। तए णं से पउमणाभे राया कच्छल्लणारयस्स अंतिए एयमठे सोच्चा णिसम्म दोवईए देवीए रूवे य 3 मच्छिए 4 0 जेणेव पोसहसाला तेणेव उवागच्छर २त्ता पोसहसालं जाव पुत्वसंगइयं देवं एवं वयासी-एवं खलु देवाणुप्पिया ! जंबुद्दीवे 2 भारहे वासे हस्थिणाउरे जाव उक्किट्ठसरीरा, तं इच्छामि गं देवाणु. प्पिया ! दोवई देवि इहमाणियं / तए णं पुव्वसंगइए देवे पउमणामं एवं वयासी-णो खलु देवाणुप्पिया! एयं भूयं वा भव्वं वा भविस्सं वा जपणं दोवई देवी पंचपंडवे मोत्तण अण्णेणं पुरिसेणं सद्धि ओरालाइं जाव विहरिस्सइ / तहावि य णं अहं तव पियट्टयाए दोवई देवि इहं हव्वमाणेमि-तिकटु पउम णाभं आपुच्छइ 2 ता ताए उक्किट्ठाए जाव लवणसमुहं मज्झमज्झेणं जेणेव हत्थिणाउरे णयरे तेणेव पहारेत्थ गमणाए / तेणं कालेणं तेणं समएणं हत्यिणा. उरे णयरे जुहिडिल्ले राया दोवईए देवीए सद्धि उप्पि आगासतलसि सुहप्पसुत्ते याविहोत्था / तए णं से पुव्वसंगइए देवे जेणेव जहिडिल्ले राया जेणेव दोवई देवी तेणेव उवागच्छइ 2 त्ता दोवईए देवीए ओसोवणियं दलयइ 2 ता दोवई देवि गिण्हइ 2 त्ता ताए उक्किट्ठाए जाव जेणेव अमरकंका जेणेव पउमणामस्स भवणे तेणेव उवागच्छइ 2 त्ता पउमणाभस्स भवणंसि असोगवणियाए दोवई देवि ठावेइ 2 ता ओसोवणि अवहरइ 2 त्ता जेणेव पउमणाभे तेणेव उवागच्छइ 2 ता एवं वयासी-एस णं देवाणप्पिया ! मए हस्थिणाउराओ दोवई देवी इह हव्वमाणीया तव असोगवणियाए चिट्ठइ। अओ परं तुमं जाणसि-त्तिकद्ध जामेव दिसि पाउन्भूए तामेव दिसि पडिगए / तए णं सा दोवई देवी तओ महत्त. तरस्स पडिबुद्धा समाणी तं भवणं असोगवणियं च अपच्चभिजाणमाणी एवं वयासी-जो खलु अम्हं एसे सए भवणे णो खलु एसा अम्हं सगा असोगवणिया। तं ण णज्जइ णं अहं केणई देवेण वा दाणवेण वा किंपुरिसेण वा किणरेण वा महोरगेण वा गंधव्वेण वा अण्णस्स रणो असोगवणियं साहरिय-त्तिक१ ओहयमणसंकप्पा जाव झियायइ / तए गं से पउमगाभे राया हाए जाव सध्वालंकारविभूसिए अंतेउरपरियालसंपरिवडे जेणेव असोगवणिया जेणेव दोवई