Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1244

णायाधम्मकहाओ अ. 16 1231 अंतेउरे य कुसलोदंतं पुच्छह / तए गं से पंडुराया कोंती देवी पंच य पंडवा कच्छल्लणारयं आढ़ति जाव पज्जवासंति / तए गं सा दोवई देवी कच्छल्ल. णारयं, अस्संजयं अविरयं अप्पडिहयपच्चक्खायपावकम्म-तिकट्ट गो आढाइ णो परियाणइ णो अन्मुठेइ णो पज्जुवासइ // 127 // तए णं तस्स कच्छुल्लणारयस्स इमेयारूवे अज्झथिए चितिए पस्थिए मणोगए संकप्पे समु. प्पज्जित्था-अहो गं दोवई देवी रूवेण य जाव लावणेण य पंचहिं पंडवेहि अणुब (वस्थ) द्धा समाणी ममं जो आढाइ जाव णो पज्जुवासइ / तं सेयं खलु मम दोवईए देवीए विप्पियं करित्तए-त्तिकट्ट एवं संपेहेइ 2 ता पंड्यरायं आपुच्छइ 2 ता उप्पणि विज्ज आवाहेइ 2 ता ताए उक्किट्ठाए जाव विज्जा. हरगईए लवणसमुहं मज्झमज्झेणं पुरत्थाभिमुहे वीइवइउं पयत्ते यावि होत्था। तेणं कालेणं तेणं समएणं धायइसंडे दीवे पुरथिमद्धदाहिणभरहवासे अमर. कंका णाम रायहाणी होत्था। तत्थ गं अमरकंकाए रायहाणीए पउमणाभे णामं राया होत्था महया हिमवंत वण्णओ। तस्स गं पउमणाभस्स रणो सत्त देवीसयाई ओरोहे होत्था / तस्स गं पउमणामस्स रण्णो सुणाभे णामं पुत्ते जवराया यावि होत्था। तए णं से पउमणाभे राया अंतोअंतेउरंसि ओरोहसंपरिवडे सीहासणवरगए विहरइ / तए णं से कच्छुल्लणारए जेणेव अमरकंका रायहाणी जेणेव पउमणांभस्स भवणे तेणेव उवागच्छइ 2 ता पउमणाभस्स रणो भवणंसि झत्तिवेगेणं समोवइए / तए गं से पउमणाभे राया कच्छुल्लणारयं एज्जमाणं पासइ पासित्ता आसणाओ अभट्ठेइ 2 ता अग्घेणं जाव आसणेणं उवणिमंतेइ / तए गं से कच्छुल्लणारए उदयपरिफोसियाए दन्भोवरिपच्चत्याए भिसियाए णिसीयइ जाव कुसलोदंतं आपुच्छइ / तए णं से पउमणामे राया णियगओरोहे जायविम्हए कच्छुल्लणारयं एवं वयासी-तुब्भं देवाणुप्पिया ! बहूणि गामाणि जाव गेहाई अणुपविससि, तं अस्थि-याइं ते कहिचि देवाणुप्पिया ! एरिसए ओरोहे दिट्ठपुव्वे जारिसए णं मम ओरोहे ? तए गं से कच्छुल्लणारए पउमणामेणं रण्णा एवं वृत्ते समाणे ईसि विहसियं करेइ 2 ता एवं वयासी-सरिसे गं तुमं पउमणामा ! तस्स अगड. दद्दुरस्स / के गं देवाणुप्पिया ! से अगडददुरे ? एवं जहा मल्लिणाए / एवं देवाणुप्पिया ! जंबुद्दीवे 2 मारहे वासे हत्यिणाउरे णयरे दुपयस्स रण्णो धूया