Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1236

णायाधम्मकहाओ अ. 16 1223 कल्लं पा० गोवालियाणं अज्जाणं अंतियाओ पडिणिक्खमइ 2 ता पाडिएक्कं उवस्सयं उवसंपज्जिताणं विहरइ / तए णं सा सूमालिया अज्जा अणोहट्टिया अषिवारिया सच्छंदमई अभिक्खणं 2 हत्थे धोवेइ जाव चेएइ तत्थ वि यणं पासत्था पासस्थविहारीणी ओसण्णा 2 कुसीला 2 संसत्ता 2 बहुणि वासाणि सामण्णपरियागं पाउणइ 2 अद्धमासियाए संलेहणाए तस्स ठाणस्स अणालोइयअपडिक्कंता कालमासे कालं किच्चा ईसाणे कप्पे अण्णयरंसि विमा. गंसि देवगणियत्ताए उववण्णा / तत्थेगइयाणं देवीणं णवपलिओवमाई ठिई पण्णत्ता / तत्थ णं सूमालियाए देवीए णवपलिओवमाइं ठिई पण्णत्ता // 12 // तेणं कालेणं तेणं समएणं इहेव जंबुद्दीवे 2 भारहे वासे पंचालेसु जणवएसु कंपिल्लपुरे णामं णयरे होत्था वण्णओ। तत्थ णं दुवए णाम राया होत्था वण्णओ। तस्स णं चुलणी देवी धट्ठज्जणे कुमारे जवराया। तए णं सा सूमालिया देवी ताओ देवलोगाओ आउक्खएणं जाव चइत्ता इहेव जंबुद्दीवे 2 भारहे वासे पंचालेसु जणवएसु कंपिल्लपुरे णयरे दुवयस्स रणो चुलगीए देवीए कुच्छिसि दारियत्ताए पच्चायाया। तए गं सा चलणी देवी णवण्हं मासाणं जाव दारियं पयाया। तए णं तीसे दारियाए णिव्वत्तबारसाहियाए इमं एयारूवं० णामं०जम्हा णं एसा दारिया दुवपयस्स रणो धूया चुलगीए देवीए अत्तया तं होउ गं अम्हं इमीसे दारियाए णामधिज्जे दोवई / तए णं तीसे अम्मापियरो इमं एयारूवं गाणं गुणणिप्फण्णं णामधेज्जं करेंति दोवई तए सा दोवई दारिया पंचधाइपरिग्गहिया जाव गिरिकंदरमल्लीण इव चंपगलया णिवाय. णिवाघायंसि सुहंसुहेणं परिवड्डइ / तए णं सा दोवई देवी रायवरकण्णा उम्मक्कबालभावा जाव उक्किटुसरीरा जाया यावि होत्था / तए णं तं दोवई रायवरकण्णं अण्णया कयाइ अंतेउरियाओ व्हायं जाव विभसियं करेंति २त्ता दुवयस्स रणो पायवंदिउ पेसति / तए णं सा दोवई 2 जेणेव दुवए राया तेणेव उवागच्छइ 2 ता दुवयस्स रणो पायग्गहणं करेइ / तए णं से दुवए राया दोवई दारियं अंके णिवेसेइ 2 ता दोवईए 2 रूवेण य 3 जायविम्हए दोवइं.२ एवं वयासी-जस्स णं अहं [तुमं] पुत्ता ! रायस्स वा जवरायस्स वा भारियत्ताए संयमेव दलइस्सामि तत्थ णं तुमं सुहिया वा दुहिया वा भविज्जासि / तए णं मम जावज्जीवाए हिययडाहे मविस्सइ / तं णं अहं