Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1192

णायाधम्मकहाओ अ. 6 1179 हत्थाओं साहत्थि णित्थारेज्जा / अण्णहा भे ण याणामि इमेसि सरीरगाणं का मण्णे आवई भविस्सइ // 86 // तए णं ते मागंदियदारगा तस्स सूलाइयस्स अंतिए एयमनै सोच्चा णिसम्म सिग्घं चंडं चवलं तुरियं वेइयं जेणेव पुरथिमिल्ले वणसंडे जेणेव पोक्खरिणी तेणेव उवागच्छंति 2 त्ता पोक्खरिणि ओगाहें (गाह) ति 2 ता जलमज्जणं करेंति 2 ता जाई तत्थ उप्पलाइं जाव गेहति 2 ता जेणेव सेलगस्स जक्खस्स जक्खाययणे तेणेव उवागच्छंति 2 त्ता आलोए पणामं करेंति 2 ता महरिहं पुप्फच्चणियं करेंति 2 ता जण्णु. पायवडिया सुस्सूसमाणा णमंसमाणा पज्जवासंति / तए णं से सेलए जवखे आगयसमए पत्तसमए एवं वयासी-कं तारयामि ? कं पालयामि ? तए णं ते मागंदियदारगा उदाए उठेति करयल जाव वद्धावेत्ता एवं वयासी-अम्हे तारयाहि अम्हे पालयाहि / तए णं से सेलए जक्खे ते मागंदियदारए एवं वयासी-एवं खलु देवाणुप्पिया ! तुम्भं मए सद्धि लवणसमद्देणं मज्झमज्झेणं वीईवयमाणाणं सा रयणदीवदेवया पावा चंडा रुद्दा साहसिया बहहि खर. एहि य मउएहि य अणुलोमेहि य पडिलोमेहि य सिंगारेहि य कलुणेहि य उवसग्गेहि य उवसम्गं करेहिइ / तं जइ णं तुब्भे देवाणुप्पिया ! रयणदीवदेवयाए एयमलैं आढाह वा परियाणह वा अवयक्खह वा तो भे अहं पिट्ठाओ विधुणामि / अह गं तुम्भे रयणदीवदेवयाए एयमह्र णो आढाह णो परियाणह णो अवयक्खह तो भे रयणदोवदेवयाए हत्थाओ साहत्थिं णित्यारेमि / तए णं ते मागंदियदारगा सेलगं जक्खं एवं वयासी-जं णं देवा. णप्पिया ! वइस्संति तस्स णं उववायवयणणिद्देसे चिहिस्सामो। तए णं से सेलए जक्खे उत्तरपुरच्छिमं दिसीमागं अवक्कमइ 2 ता वेउब्वियसमग्घाएणं समोहणइ 2 सा संखेज्जाई जोयणाई दंडं णिस्सरइ दोच्चंपि तच्चपि वेउब्वियसमग्घाएणं समोहणइ 2 ता एगं महं आसरूवं विउव्वइ 2 ता ते मागं. दियदारए एवं वयासी-हं भो मागंदियदारया ! आरुह णं देवाणप्पिया ! मम पिट्ठसि / तए णं ते मागंदियदारया हट्ठ० सेलगस्त जवखस्स पणाम करेंति 2 ता सेलगस्स पिढि दुरूढा / तए णं से सेलए ते मागंदियदारए दुरुढे जाणित्तो सत्तटुतालप्पमाणमेत्ताई उड्ढं वेहासं उप्पयइ 2 ता य ताए उक्किट्ठाए तुरियाए [चवलाए चंडाए दिव्वाए] देवयाए देवगईए लवणसमदं