Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1191

1178 अंग-पविट्ट सुत्ताणि मागंदियदारया तेणं असुभेणं गंधेणं अभिभूया समाणा सरहिं 2 उत्तरिज्जेहि आसाइं पिहेंति 2 ता जेणेव दक्खिणिल्ले वणसंडे तेणेव उवागया। तत्थ णं महं एगं आघयणं पासंति अद्वियरासिसयसंकुलं भीमदरिसणिज्ज एगं च तत्थ सूलाइयं पुरिसं कलुणाई कढाई विस्सराई कुवमाणं पासंति 2 ता भीया जाव संजायमया जेणेव से सूलाइए पुरिसे तेणेव उवागच्छंति 2 ता तं सूलाइयं पुरिसं एवं वयासी-एस णं देवाणु प्पिया ! कस्स आघयणे तुमंच गं के कओ वा इहं हवमागए केण वा इमेयारूवं आवयं पाविए ? तए गं से सूलाइए पुरिसे (ते) मागंदियदारए एवं वयासी-एस णं देवाणुप्पिया ! रयणदीवदेवयाए आघयणे / अहं गं देवाणुप्पिया ! जंबुद्दीवाओ दीवाओ भारहाओ वासाओ कागंदीए आसवाणियए विपुलं पणियभंडमायाए पोयवहणेणं लवणसमुदं ओयाए / तए णं अहं पोयवहणविवत्तीए णिब्बुडुभंडसारे एगं फलगखंडं आसाएमि / तए णं अहं उज्झमाणे 2 रयणदीवंतेणं संवूढे / तए णं सा रयणदीवदेवया ममं ओहिणा पासइ 2 ता ममं गेण्हइ 2 ता मए सद्धि विउलाई भोगभोगाई भंजमाणी विहरइ / तए णं सा रयणदीवदेवया अण्णया कयाइ अहालहुसगंसि अवराहसि परिकुविया समाणी ममं एयारूवं आवयं पावेइ तं ण णज्जइ णं देवाणुप्पिया! तुम्हं पि इमेसि सरीरगाणं का मण्णे आवई भविस्सइ ? तए गं ते मागंदियदारगा तस्स सूलाइयस्स अंतिए एयम→ सोच्चा णिसम्म बलियतरं भीया जाव संजायभया सूलाइयं पुरिसं एवं वयासीकह णं देवाणुप्पिया ! अम्हे रयणदीवदेवयाए हत्थाओ साहत्थि णित्यरिज्जामो ? तए णं से सूलाइए पुरिसे ते मागंदियदारगे एवं वयासी-एस गं देवाणुप्पिया ! पुरथिमिल्ले वणसंडे सेलगस्स जक्खस्स जक्खाययणे सेलए णामं आसरूवधारी जवखे परिवसइ / तए णं से सेलए जक्खे चोद्दसटुमुद्दिद्वपुण्णमासि. णीसु आगयसमए पत्तसमए महया 2 सट्टेणं एवं वदइ-कं तारयामि ? के पालयामि ? तं गच्छह णं तुम्भे देवाणुप्पिया ! पुरथिमिल्लं वणसंडं सेलगस्स जक्खस्स महरिहं पुप्फच्चणियं करेह 2 ता जण्णुपायवडिया पंजलिउडा विण. एणं पज्जुवासमाणा विहर (चिट्ठ) ह / जाहे णं से सेलए जखे आगयसमए पत्तसमए एवं वएज्जा-कं तारयामि ? कं पालयामि ? ताहे तुम्मे (एवं) वयह-अम्हे तारयाहि अम्हे पालयाहि / सेलए भे जवखे परं रयणदीवदेवयाए