________________ णायाधम्मकहाओ अ. 8 1147 स्थावि परिवाडी गवरं पारणए आयंबिलेण पारेति। तए णं ते महब्बलपामोक्खा सत्त अणगारा खुड्डागं सीहणिक्कीलियं तबोकम्मं दोहि संवच्छरेहिं अट्ठावीसाए अहोरत्तेहि अहासुतं जाव आणाए आराहेत्ता जेणेव थेरे भगवंते तेणेव उवागच्छंति 2 ता थेरे भगवंते वदंति णमंतंति वं०२ ता एवं वयासी-इच्छामो णं भंते ! महालयं सीहणिक्किलियं (तवोकम्म०) तहेव जहा खुड्डागं णवरं चोत्तीसइमाओ णियत्तए एगाए परिवाडीए कालो एगणं संवच्छरेणं हि मासेहि अट्ठारसहि य अहोरत्तेहि समप्पेइ। सव्वंपि सीहणिक्किलियं छहिं वासेहिं दोहि य मासेहिं बारसहि य अहोरहि समप्पेई / तए णं ते महब्बल पामोक्खा सत्त अणगारा महालयं सीहणिक्कीलियं अहासुत्तं जाव आराहेत्ता जेणेव थेरे भग. वंते तेणेव उवागच्छंति 2 त्ता थेरे भगवंते वदंति णमंसंति वं० 2 ता बहणि चउत्थ जाव विहरंति / तए णं ते महब्बलपामोक्खा सत्त अणगारा तेणं उरालेणं सुक्का भुक्खा जहा खंदओ णवरं थेरे आपुच्छित्ता चारुपव्वयं (सणियं) दुरूहंति जाव दोमासियाए संलेहणाए सवीसं भत्तसयं (अणसणं) चउरासीइं वाससयसहस्साई सामण्णपरियागं पाउणंति 2 ता चुलसीइं पुव. सयसहस्साई सव्वाउयं पालइत्ता जयंते विमाणे देवत्ताए उवण्णा // 71 // तत्थ नं अत्थेगइयाणं देवाणं बत्तीसं सागरोवमाई ठिई पण्णत्ता / तत्थ गं महब्बल. वज्जाणं छण्हं देवाणं देसूणाई बत्तीसं सागरोवमाइं ठिई / महब्बलस्स देवस्स पडिपुण्णाई बत्तीसं सागरोवमाई ठिई प० / तए णं ते महब्बलवज्जा छप्पिय देवा जयंताओ देवलोगाओ आउक्खएणं जाव अणंतरं चयं चइत्ता इहेव जंबट्टीवे 2 भारहे वासे विसुद्धपिइमाइवंसेसु रायकुलेसु पत्तेयं 2 कुमा. रत्ताए पच्चायाया (सी) तंजहां-पडिबुद्धी इक्खागराया, चंदच्छाए अंगराया, संखे कासिराया, रुप्पी कुणालाहिबई, अदीणसत्तू कुरुराया, जियसत्तू पंचाला. हिवई / तए णं से महब्बले देवे तिहिं णाणेहि समग्गे उच्चट्ठाण (दि) गएसु गहेसु सोमासु दिसासु वितिमिरासु विसुद्धासु जइएसु सउणेसु पयाहिणाणुकूलंसि भूमिसपिसि मारुयंसि पवायंसि णिप्फण्णसस्समेइणीयंसि कालंसि पमुइय. पक्कीलिएसु जणएसु अद्धरत्तकालसमयंसि अस्सिणीणखत्तेणं जोगमुवागएणं जे से हेमंताणं चउत्थे मासे अट्ठमे पक्खे फग्गुणसुद्धे तस्स णं फग्गुणसुद्धस्स चउ. स्थिपक्खेणं जगंताओ विमाणाओ बत्तीसं सागरोवमढिइयाओ अणंतरं चयं
