Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1146

णायाधम्मकहाओ अ. 5 1133 दुविहा प० तं० हिरण्णमासा य सुवण्णमासा य, ते णं अभक्खेया। धण्णमासा तहेच / एगे भवं दुवे भवं अणेगे भवं अक्खए भवं अव्वए भवं अवटिए भवं अणेगभूयभावमविएवि भवं ? सुया ! एगेवि अहं दुवेवि अहं जाव अणेगभूयभावभविएवि अहं / से केणछेणं मंते ! एगेवि अहं जाव सुया ! दष्वट्टयाए एगे [वि] अहं णाणदंसणट्टयाए दुवेवि अहं पएसट्टयाए अक्खएवि अहं अव्वएहि अहं अवढिएवि अहं उवओगट्टयाए अणेगभूयभावभविएवि अहं / एत्थ णं से सुए संबुद्धे थावच्चापुत्तं वंदइ णमंसइ वं० 2 ता एवं वयासी-इच्छामि णं भंते ! तुब्भे ! अंतिए केवलिपण्णत्तं धम्म णिसामित्तए / धम्मकहा भाणियव्वा / तए णं से सुए परिव्वायए थावच्चापुत्तस्स अंतिए धम्मं सोचा णिसम्म एवं वयासी-इच्छामि गं भंते ! परिवायगसहस्सेणं सद्धि संपरिवडे देवाणुप्पियाणं अंतिए मुंडे भवित्ता पव्वइत्तए / अहासुहं देवाणुप्पिया ! जाव उत्तरपुरच्छिमे दिसीमाए तिदंडयं जाव धाउरत्ताओ य एगते एडेइ 2 ता सय. मेव सिहं उप्पाडेइ २.त्ता जेणेव थावच्चापुत्ते जाव मुंडे भवित्ता जाव पवइए सामाइयमाइयाई चोद्दसपुव्वाई अहिज्जइ / तए णं थावच्चापुत्ते सुयस्स अण. गार सहस्सं सीसत्ताए वियरइ / तए णं थावच्चापुत्ते सोगंधियाओ णयरीओ णीलासोयाओ पडिणिक्खमइ 2 ता बहिया जणवयविहारं विहरइ / तए णं से थावच्चापुत्ते अणगारसहस्सेणं सद्धि संपरिवुड़े जेणेव पुंडरीए पव्वए तेणेव उवागच्छइ 2 ता पुंडरीयं पव्वयं सणियं 2 दुरूहइ 2 ता मेघघणसण्णिगासं देवसणिवायं पुढविसिलापट्टयं जाव पाओवगमणं णवणे / तए णं से थावच्चापुत्ते बहूणि वासाणि सामण्णपरियागं पाउणित्ता मासियाए संलेहणाए ट्ठि भत्ताई अणसणाए जाव केवलवरणाणदंसणं समुप्पाडेता तओ पच्छा सिद्धे जाव पहीणे // 62 // तए णं से सुए अण्णया कयाइं जेणेव सेलगपुरे णगरे जेणेव सुभूमिमागे उज्जाणे समोसरणं परिसा णिग्गया सेलओ णिगच्छइ धम्म सोच्चा जं णवरं देवाणुप्पिया! पंथगपामोक्खाइं पंच मंतिसयाई आपुच्छामि मंडुयं च कुमारं रज्जे ठावेमि तओं पच्छा देवाणुप्पियाणं अंतिए मुंडे भवित्ता अगाराओ अणगारियं पव्वयामि / अहासुहं देवाणुप्पिया! तए णं से सेलए राया सेलगपुरंणगरं अणुप्पविसइ 2 ता जेणेव सए गिहे जेणेव बाहिरिया उवट्ठाणसाला तेणेव