Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1139

1126 अंग-पविट्ठ सुत्ताणि णयरीए समितरबाहिरियं सवओ समंता से सद्दे विप्प सरित्था / तए णं बारवईए णयरीए णवजोयणवित्थिण्णाए बारसजोयणायामाए समुविजय. पामोक्खा दस दसारा जाव गणियासहस्साई कोमुईयाए भेरीए सई सोच्चा णिसम्म हतुवा जाव हाया आविद्धवग्धारियमल्लदामकलाका अहयवत्य. चंदणोक्किण्णगायसरीरा अप्पेगइया हयगया एवं गयगया रहसीयासंदमाणीगया अप्पेगइया पायविहारचारेणं पुरिसवग्गुरापरिक्खित्ता कण्हस्स वासुदेवस्स अंतियं पाउन्भवित्था / तए णं से कण्हे वासुदेवे समहविजयपामोक्खे दस दसारे जाव अंतियं पाउन्भवमाणे पासइ पासित्ता हट्टतुटु जाव कोडंबियपुरिसे सहावेइ 2 ता एवं वयासी-खिप्पामेव भो देवाणुप्पिया ! चाउरंगिण सेणं सज्जेह विजयं च गंधहत्थि उवट्ठवेह / तेवि तहत्ति उवट्ठवेंति जाव पज्जुवासंति // 60 // थावच्चापुत्त वि णिग्गए जहा मेहे तहेव धम्म सोच्चा णिसम्म जेणेव थावच्चा गाहावइणी तेणेव उवागच्छइ 2 ता पायग्गहणं करेंइ जहा मेहस्स तहा चेव णिवेषणा जाहे णो संचाएइ विसयाणुलोमाहि य विसयपडिकूलाहि य बाहिं आघवणाहि य पण्णवणाहि य सण्णवणाहि य विष्णवणाहि य आघवित्तए वा 4 ताहे अकामिया चेव थावच्चापुत्तस्स मिक्खमणमणमण्णित्था ( णवरं णिक्खमणाभिसेयं पासामो, तए णं से थावच्चापुत्ते तुसिणीए संचिट्ठइ) तए णं सा थावच्चा आसणाओ अभछे 2 ता महत्थं महग्धं महरिहं रायरिहं पाहडं गेहइ 2 ता मित्त जाव संपरिवडा जेणेव . कण्हस्स वासुदेवस्स भवणवरपडिदुवारदेसभाए तेणेव उवागच्छइ 2 ता पडिहारदेसिएणं मग्गेणं जेणेव कण्हे वासुदेवे तेणेव उवागच्छइ 2 त्ता करयल जाव वद्धावेइ 2 ता तं महत्थं 4 पाहुडं उवणेइ 2 ता एवं क्यासी-एवं खलु देवाणुप्पिया ! मम एगे पुत्ते थावच्चापुत्ते णाम दारए इठे जाव से णं संसारभउब्बिग्गे (भीए) इच्छइ अरहओ अरिटमिस्स जाव पवइत्तए / अहं णं णिक्खमण. सक्कारं करेमि / इच्छामि गं देवाणप्पिया ! थावच्चापुत्तस्स णिक्खममाणस्स छत्तम उडचामराओ य विदिण्णाओ। तए णं कण्हे वासुदेवे थावच्चागाहावणि एवं वयासी-अच्छाहि णं तुमं देवाणुप्पिए ! सुणिन्वुया वीसत्या / अहं णं सय. मेव थावच्चापुत्तस्स दारगस्स णिक्खमणसक्कारं करिस्सामि / तए णं से कण्हे वासुदेवे चाउरंगिणीए सेणाए विजयं हत्थिरयणं दुरूढे समाणे जेणेव थावच्चाए