Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1123

1110 अंग-पविट्ट सुत्ताणि माणी य दोहलं विणेइ 2 ता जामेव दिसि पाउन्भूया तामेव दिसि पडि. गया / तए णं सा भद्दा सत्थवाही संपुण्णडोहला जाव तं गम्भं सुहंसुहेणं परिवहइ / तए णं सा भद्दा सत्थवाही णवण्हं मासाणं बहुपडिपुण्णाणं अद्धट्ठमाण य राइंदियाणं सुकुमालपाणिपायं जाव दारगं पयाया। तए णं तस्स दारगस्स अम्मापियरो पढमे दिवसे जायकम्मं करेंति 2 ता तहेव जाव विपुलं असणं 4 उवक्खडावेंति 2 त्ता तहेव मित्तणाइणियग० भोयावेत्ता अयमेयारूवं गोण्णं गणणिप्फण्णं णामधेज्ज करेंति-जम्हा णं अम्हं इमे दारए बहणं णाग. पडिमाण य जाव वेसमणपडिमाण य उवाइयलद्धे णं तं होउ णं अम्हं इमे दारए देवदिण्णे णामेणं / तए णं तस्सं दारगस्स अम्मापियरो णामधेज्ज करेंति देवदिण्णेत्ति / तए णं तस्स दारगस्स अम्मापियरो ,जायं च दायं च भायं च अक्खयहिं च अणुवड्ढेति // 43 // तए णं से पंथए दासचेडए देवदिण्णस्स दारगस्स बालग्गाही जाए, देवदिग्णं दारयं कडीए गेण्हइ 2 ता बहूहि डिभएहि य डिभियाहि य दारएहि य दारियाहि य कुमारएहि य कुमारियाहि य सद्धि संपरिवुडे अभिरममाणे अभिरमइ / तए णं सा भद्दा सत्यवाही अण्णया कयाई देवदिण्णं दारयं व्हायं कयबलिकम्मं कयकोउय-मंगल-पायच्छित्तं सव्वालंकारविभूसियं करेइ 2 ता पंथयस्स दासचेडयस्स हत्थयंसि दलयइ / तए णं से पंथए दासचेडए भद्दाए सत्यवाहीए हत्थाओ देवदिण्णं दारगं कडीए गेण्हइ 2 ता सयाओ गिहाओ पडिणिक्खमइ 2 ता बहूहि डिभएहि य डिभि. याहि य जाव कुमारियाहि य सद्धि संपरिवुडे जेणेव रायमग्गे तेणेव उवा. गच्छइ 2 ता देवदिण्णं दारगं एगंते ठावेइ 2 ता बहूहि डिभएहि य जाव कुमारियाहि य सद्धि संपरिबुडे पमत्ते यावि होत्था विहरइ। इमं च णं विजए तक्करे रायगिहस्स णयरस्स बहूणि दाराणि य अवदाराणि य तहेव जाव आभोएमाणे मग्गेमाणे गवेसमाणे जेणेव देवदिणे दारए तेणेव उवा. गच्छइ 2 ता देवदिण्णं दारगं सव्वालंकारविभूसियं पासइ 2 ता देवदिण्णस्स दारगस्स आभरणालंकारेसु मुच्छिए गढिए गिद्धे अज्झोववण्णे पंथयं दासचेडं पमत्तं पासइ 2 ता दिसालोयं करेइ 2 ता देवदिणं दारगं गेण्हइ 2 त्ता कक्खंसि अल्लियावेइ 2 ता उत्तरिज्जेणं पिहेइ 2 ता सिग्घं तुरियं चवलं वेइयं रायगिहस्स णगरस्स अवदारेणं णिग्गच्छइ 2 ता जेणेव जिण्णुज्जाणे