Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1122

णायाधम्मकहाओ अ. 2 1109 नागपडिमाओ य जाव वेसमणपडिमाओ य लोमहत्येणं पमज्जइ उदगधाराए अब्भुक्खेइ 2 ता पम्हलसुकुमालाए गंधकासाईए गायाइं लू हेइ 2 ता महरिहं वत्थारुहणं च मल्लारुहणं च गंधारहणं च चण्णारहणं च वण्णारुहणं च करेइ 2 ता जाव धूवं डहइ 2 ता जण्णुपायपडिया पंजलिउडा एवं वयासीजइ णं अहं दारगं वा दारियं वा पयायामि तो णं अहं जायं च जाव अणु. वड्ढेमि तिकटु उवाइयं करेइ 2 ता जेणेव पोक्खरिणी तेणेव उवागच्छइ 2 ता विपुलं असणं 4 आसाएमाणी जाव विहरइ जिमिया जाव सुइभूया जेणेव सए गिहे तेणेव उवागया। अदुत्तरं च णं भद्दा सत्थवाही चाउद्दसट्टमुद्दिपुण्णमासिणीसु विपुलं असणं 4 उवक्खडेइ 2 ता बहवे णागा य जाव वेसमणा य उवायमाणी णमंसमाणी जाव एवं च णं विहरइ // 42 // तए थे सा भद्दा सत्थवाही अण्णया कयाइ केणइ कालंतरेणं आवण्णसत्ता जाया यावि होत्था / तए णं तीसे भद्दाए सस्थवाहीए दोसु मासेसु वीइक्कतेसु तइए मासे वट्टमाणे इमेयारूवे दोहले पाउन्भूए-धण्णाओ गं ताओ अम्मयाओ जाव कय. लक्खणाओ गं ताओ अम्मयाओ जाओ गं विउलं असणं 4 सुबहुयं पुप्फवत्थ. गंधमल्लालंकारं गहाय मित्तणाइणियगसयणसंबंधिपरियणमहिलियाहि य सद्धि संपरिवुडाओ रायगिहं गयरं मझमझेणं णिग्गच्छंति 2 ता जेणेव पुक्खरिणी तेणेव उवागच्छंति 2 ता पोक्खरिणी ओगाहेंति 2 ता व्हायाओ कयबलि. कम्माओ सव्वालंकारविभूसियाओ विपुलं असणं 4 आसाएमाणीओ जाव पडि. भंजेमाणीओ दोहलं विणेति / एवं संपेहेइ 2 ता कल्लं जाव जलते जेणेव धणे सत्थवाहे तेणेव उवागच्छइ 2 ता धणं सत्थवाहं एवं वयासी-एवं खल देवाणुप्पिया ! मम तस्स गम्भस्स जाव विणेति, तं इच्छामि गं देवाणुप्पिया! तुहिं अब्भणुण्णाया समाणी जाव विहरित्तए / अहासुहं देवाणुप्पिया ! मा पडिबंधं करेह / तए णं सा भद्दा सत्थवाही धणेणं सत्थवाहेणं अब्भणण्णाया समाणी हट्टतुट्ठा जाव विपुलं असणं 4 जाव व्हाया जाव उल्लपडसाडगा जेणेव णागघरए जाव धूवं डहइ 2 ता पणामं करेइ 2 ता जेणेव पोक्खरिणी तेणेव उवागच्छइ / तए णं ताओ मित्तणाइ जाव गगरमहिलाओ भई सत्थवाहिं सवालंकारविभूसियं करेंति / तए णं सा भद्दा सस्थवाही ताहि मित्तणाइणियग. सयणसंबंधिपरियणणगरमहिलियाहिं सद्धि तं विपुलं असणं 4 जाव परिभुंज.