Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1120

पायाधम्मकहाओ अ. 2 1107 पइ भए णिसंसइए णिरणुकंपे अहिव्व एगंतदिट्ठि खुरेव एगंतधाराए गिद्धेव आमिसतल्लिच्छे अग्गिमिव सव्वभक्खे जलमिव सव्वगाही उक्कंचणवंचणमायाणियडिकूडकवडसाइसंपओगबहुले चिरणगरविणट्ठदुट्ठसीलायारचरित्ते जयप्पसंगी मज्जप्पसंगी भोज्जप्पसंगी मंसप्पसंगी दारुणे हिययदारए साहसिए संधिच्छेयए उहिए विस्संभघाई आलीयगतित्थभेयलहहत्थसंपउत्ते परस्स दव्व. हरणंमि णिच्चं अणुबद्धे तिन्ववेरे रायगिहस्स णगरस्स बहूणि अइगमणाणि य णिग्गमणाणि य दाराणि य अवदाराणि य छिडिओ य खंडीओ य णगरगिद्धमणाणि य संघट्टणाणि य णिव्वट्टणाणि य जूवखलयाणि य पाणागाराणि य वेसागाराणि य तद्दारट्ठाणाणि य तक्करट्ठाणाणि य तक्करघराणि य सिंगाडगाणि य तियाणि य चउक्काणि य चच्चराणि य णागघराणि य भयघराणि य जक्खदेउलाणि य सभाणि य पवाणि य पणियसालाणि य सुण्णघराणि य आमोएमाणे 2 मग्गमाणे गवेसमाणे बहुजणस्स छिद्देसु य विसमेसु य विहुरेसु य वसणेसु य अन्भुदएसु य उस्सवेसु य पसवेसु य तिहीसु य छणेसु य जण्णेसु य पव्वणीसु य मत्तपमत्तस्स य वक्खित्तस्स य वाउलस्स य सुहियस्स य दुहियस्स य विदेसत्थस्स य विप्पसियस्स य मग्गं च छिदं च विरहं च अंतरं च मग्गमाणे गधेसमाणे एवं च गं विहरइ, बहिया वि य णं रायगिहस्स गरस्स आरामेसु य उज्जाणेसु य वाविपोक्खरणीदोहियागुंजालिया सरेसु य सरपंतिसुय सरसरपंतिमासु य जिण्णज्जाणेसु य भग्गकूवएसु य मालयाकच्छएसु य सुसाणेसु य गिरिकंदरलेणउवट्ठाणेसु य बहुजणस्स छिद्देसु य जाव एवं च णं विहरइ // 41 // तए णं तीसे भद्दाए भारियाए अण्णया कयाई पुज्वरत्तावरत्त. कालसमयंसि कुडुंबजागरियं जागरमाणीए अयमेयारूवे अज्झथिए जाव समु. प्पज्जित्था-अहं धणेणं सत्यवाहेणं सद्धि बहूणि वासाणि सद्दफरिसरसगंधरूवाणि माणुस्सगाई कामभोगाई पच्चणुभवमाणी विहरामि णो चेव णं अहं दारगं वा दारिगं वा पयांयामि / तं धण्णाओ गं ताओ अम्मयाओ जाव सूलद्धे णं माणुस्सए जम्मजीवियफले तासि अम्मयाणं जासि मण्णे णियगकुच्छिसंभ. याई थणदुद्धलुद्धयाई महुरसमुल्लावगाई मम्मणपयंपियाई थणमूलकक्खदेसभागं अभिसरमाणाई ‘मुद्धयाई थणयं पिबंति तओ य कोमलकमलोवमेहि हह गिव्हिऊणं उच्छंगे णिवेसियाई देति समुल्लावए पिए सुमहुरे पुणो 2 मंजुलप्प