Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1119

1106 अंग-पविट्ठ सुत्ताणि संघाडे णामं बीयं अज्झयणं जइ गं भंते ! समणेणं भगवया महावीरेणं जाव संपत्तेणं पढमस्स गायज्झयणस्स अयम? पण्णत्ते बिइयस्स णं भंते ! णायज्झयणस्स के अटठे पण्णते? एवं खलु जंबू ! तेणं कालेणं तेणं समएणं रायगिहे णामं णयरे होत्था वण्णओ। तस्स गं रायगिहस्स णयरस्स बहिया उत्तरपुरस्थिमे दिसीभाए गुणसिलए णाम चेइए होत्था वण्णओ। तस्स णं गुणसिलयस्स चेइयस्स अदूरसामंते एत्थ णं महं एगे (पडिय) जिष्णुज्जाणे यावि होत्था विणट्ठदेवउले परिसडियतोरणघरे णाणाविहगुच्छगुम्मलयावल्लिवच्छच्छाइए अणेगवालसयसंकणिज्जे यावि होत्था / तस्स णं जिण्णुज्जाणस्स बहुमज्झदेसमाए एत्थ णं महं एगे भग्गकूवए यावि होत्था। तस्स णं भग्गकूवस्स अदूरसामंते एत्थ णं महं एगे मालुयाकच्छए यावि होत्था किण्हे किण्होभासे जाव रम्मे महामेहणिउरंबभूए बहूहि रुक्खेहि य गुच्छेहि य गुम्मेहि य लयाहि य वल्लीहि य तणेहि य कुसेहि य खाणुएहि य संछण्णे पलिच्छण्णे अंतो झुसिरे बाहि गंभीरे अणेग. वालसयसंकणिज्जे यावि होत्था // 38 // तत्थ गं रायगिहे णयरे धणे णामं सत्थवाहे अड्ढे दित्ते - जाव विउलभत्तपाणे / तस्स गं धण्णस्स सत्थ. वाहस्स भद्दा णामं भारिया होत्था सुकुमालपाणिपाया अहीणपडिपुण्णपंचिदियसरीरा लक्खणवंजणगुणोववेया माणुम्माणप्पमाणपडिपुण्णसुजायसव्वंग. सुंदरंगी ससिसोमागारा कंता पियदंसणा सुरूवा करयलपरिमियतिवलियमज्झा कुंडलुल्लिहियगंडलेहा कोमुहरणियरपडिपुण्णसोमवयणा सिंगारागारचारवेसा जाव पडिरूवा वंझा अवियाउरी जाणुकोप्परमाया यावि होत्था // 36 // तस्स गंधण्णस्स सत्थवाहस्स पंथए णामं दासचेडे होत्था सन्वंगसुंदरंगे मंसोवचिए बालकीलावणकुसले यावि होत्था / तए णं से धणे सत्थवाहे राय. गिहे णयरे बहूणं णगरणिगमसेटिसस्थवाहाणं अट्ठारसण्ह य सेणिप्पसेणीणं बहूसु कज्जेसु य कुडुंबेसु य मंतेसु य जाव चक्खु भूए यावि होत्था णियगस्स वि य णं कुडुंबस्स बहूसु(य) कज्जेसु जाव चक्खुभूए यावि होत्था // 40 // तत्थ णं रायगिहे णयरे विजए णामं तक्करे होत्था पावे चंडालरूवे भीमतररुद्दकम्मे आरुसियदित्तरत्तणयणे खरफरुसमहल्लविगयबीभच्छदाढिए असंपुडियउठे उद्घयपइण्णलंबंतमुद्धए भमरराहुवण्णे णिरणुक्कोसे णिरणुतावे दारुणे