Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1104

णायाधम्मकहाओ अ. 1 1091 वलिप्पगासाई अंसूई विणिम्मुयमाणी 2 रोयमाणी 2 कंदमाणी 2 विलवमाणी 2 एवं वयासी-एस गं अम्हं मेहस्स कुमारस्स अब्भुदएसु य उस्सवेसु य पव्वेसु य तिहीसु य छणेसु य जण्णेसु य पव्वणीसु य अपच्छिमे दरिसणे भविस्सइ त्ति कट्ट उस्सीसामले ठवेइ / तए णं तस्स मेहस्स कुमारस्स अम्मापियरो उत्तरा. वक्कमणं सीहासणं रयाति मेहं कुमारं दोच्चंपि तच्चंपि सेयपीयएहि कल. सेहि व्हावेंति २त्ता पम्हलसुकुमालाए गंधकासाइयाए गायाइं लूहेंति 2 ता सरसेणं गोसीसचंदणेणं गायाई अलिपंति 2 त्ता णासाणीसासवायवोझं जाव हंसलक्खणं पडगसाडगं णियंसेंति 2 ता हारं पिणद्धति 2 ता अद्धहारं पिण. उति 2 ता एगावलि मत्तावलि कणगावलि रयणालि पालंबं पायपलंबं कड. गाइं तडिगाई केऊराइं अंगयाइं दसमद्दियार्णतयं कडिसुत्तयं कुंडलाइं चडामणि रयणुक्कडं मउडं पिणद्धेति 2 ता दिव्वं सुमणदामं पिणद्धेति 2 ता दद्दरमलय. सुगंधिए गंधे पिणद्वेति / तए गं तं मेहं कुमारं गंठिमवेढिमपूरिमसंघाइमेण चउविहेणं मल्लेणं कप्परुक्खगं पिव अलंकियविभूसियं करेंति / तए णं से सेणिए राया कोडंबियपुरिसे सद्दावेइ 2 ता एवं वयासी-खिप्पामेव भो देवाणुप्पिया ! अणेगखंभसयसणिविठं लीलट्ठियसालभंजियागं ईहामियउसभतुरय. गरमगरविहगवालगकिण्णररुरुसरभचमरकुंजरवणलयपउमलयभत्तिचित्तं घंटा. बलिमहरमणहरसरं सुभकंतदारसणिज्ज णिउणोवियमिसिमिसितमणिरयणघंटियाजालपरिक्खित्तं अन्भुग्गयवइरवेइयापरिगयाभिरामं विज्जाहरजमल. जंतजत्तं पिव अच्चीसहस्समालणीयं रूवगसहस्सकलियं भिसमाणं भिभिसमाणं चक्खुल्लोयणलेस्सं सुहफासं सस्सिरीयरूवं सिग्घं तुरियं चवलं वेइयं पुरिस. सहस्सवाहिणी सीयं उवट्ठवेह / तए णं ते कोडुंबियपुरिसा हद्वतुट्ठ जाव उववेति / तए णं से मेहे कुमारे सीयं दुरूहइ 2 ता सीहासणवरगए पुरत्था. भिमुहे सण्णिसणे / तए णं तस्स मेहस्स कुमारस्स माया व्हाया कयबलिकम्मा जाव अप्पमहग्घाभरणालंकियसरीरा सीयं दुरूहइ 2 त्ता मेहस्स कुमारस्स दाहिणे पासे भहासणंसि णिसीयइ / तए णं तस्स मेहस्स कुमारस्स अंबधाई रयहरणं च पडिग्गहगं च गहाय सीयं दुरुहइ 2 ता मेहस्स कुमारस्स वामे पासे भद्दासणंसि णिसीयइ / तए णं तस्स मेहस्स कुमारस्स पिटुओ एगा वरतरुणी सिंगारागारचारुवेसा संगयगयहसियभणियचेट्ठियविलाससंलावुल्लावणिउणजुत्तो