Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1103

1090 अंग-पविट्ठ सुत्ताणि भई ते अजियं जिणेहि जियं पालयाहि जियमझे वसाहि अजियं जिणेहि सत्त. पक्खं जियं च पालेहि मित्तपक्खं जाव भरहो इव मणुयाणं रायगिहस्स णगरस्स असि च बहूर्ण गामागरणगर जाव सण्णिवेसाणं आहेवच्चं जाव विहराहि त्तिकटु जयजयसई पउंजंति / तए णं से मेहे राया जाए महया जाव विहरइ / तए णं तस्स मेहस्स रण्णो अम्मापियरो एवं वयासी-भण जाया! कि दलयामो कि पयच्छामो किं वा ते हियइच्छिए सामत्थे (मते)?, तए णं से मेहे राया अम्मा. पियरो एवं वयासी-इच्छामि णं अम्मयाओ ! कुत्तियावणाओ रयहरणं पडिग्गहं च (आणियं) उवणेह कासवयं च सहावेह / तए णं से सेणिए राया कोडं. बियपुरिसे सहावेइ 2 ता एवं वयासी-गच्छह णं तुब्भे देवाणप्पिया ! सिरि. घराओ तिणि सयसहस्साई गहाय दोहि सयसहस्सेहि कुत्तियावणाओ रयहरणं पडिग्गहं च उवणेह सयसहस्रोणं कासवयं सद्दावेह / तए णं ते कोडुंबियपुरिसा सेणिएणं रण्णा एवं वत्ता समाणा हद्वतुट्टा सिरिघराओ तिष्णि सयसहस्साई गहाय कुत्तियावणाओ दोहि सयसहस्सेहि रयहरणं पडिग्गहं च उवर्णेति सयसहस्सेणं कासवयं सद्दावेंति / तए णं से कासवए तेहिं कोडंबियपुरिसेहि सद्दाविए समाणे हट्टतुट्ठ जाव हयहियए हाए कयबलिकम्मे कयकोउय-मंगल-पायच्छित्ते सुद्धप्पावेसाई मंगल्लाई वत्थाई पवरपरिहिए अप्पमहग्घाभरणालंकियसरीरे जेणेव सेणिए राया तेणेव उवागच्छइ 2 ता सेणियं रायं करयलमंजलि कट एवं वयासी-संदिसह गं देवाणप्पिया ! जं मए करणिज्जं / तएणं से सेणिए राया कासवयं एवं वयासी-गच्छाहि णं तुम देवाणुप्पिया ! सुरभिणा गंधोदएणं णिक्के हत्थपाए पक्खालेहि सेयाए चउप्फालाए पोत्तीए मुहं बंधित्ता मेहस्स कुमारस्स चउरंगुलवज्जे णिक्खमणपाउग्गे अग्गकेसे कप्पेहि / तए णं से कासवए सेणिएणं रण्णा एवं वुत्ते समाणे हट्ठतुट्ठ जाव हियर जाव पडिसुणेइ 2 ता सुरभिणा गंधोदएणं हत्थपाए पक्खालेइ 2 ता सुद्धवत्थेणं मुहं बंधइ 2 ता परेणं जत्तेणं मेहस्स कुमारस्स चउरंगुलवज्जे णिक्खमणपाउग्गे अग्गकेसे कप्पइ। तए णं तस्स मेहस्स कुमारस्स माया महरिहेणं हंसलक्खणणं पडसाडएशं अग्गकेसे पडिच्छइ 2 त्ता सुरभिणा गंधोदएणं पक्खालेइ 2 ता सरसेणं गोसीस. चंदणणं चच्चाओ दलयइ 2 त्ता सेयाए पोत्तीए बंधइ 2 'त्ता रयणसमग्गयंसि पक्खिवइ 2 ता मंजूसाए पक्खिवइ 2 ता हारवारिधारसिंदुवारछिण्णमुत्ता.