Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 1090

णायाधम्मकहाओ अ. 1 1077 तए णं अहं पुत्ता ! धारिणीए देवीए तस्स अकालदोहलस्स बहूहि आएहि य उवाएहि जाब उप्पत्ति अविदमाणे ओहयमणसंकप्पे जाव झियामि तुमं आगयंपि ण याणामि, तं एएणं कारणेणं अहं पुत्ता ! ओहयमणसंकप्पे जाव झियामि / तए णं से अभए कुमारे सेणियस्स रण्णो अंतिए एयमढें सोच्चा णिसम्म हट्ट जाव हियए सेणियं रायं एवं वयासी-मा णं तुब्भे ताओ ! ओहयमणसंकप्पा जाच झियायह / अहं णं तहा करिस्सामि जहा णं मम चुल्ल. माउयाए धारिणीए देवीए अयमेयारूवस्स अकालदोहलस्स मणोरहसंपत्ती भविस्सइ तिकटु सेणियं रायं ताहि इट्टाहि कंताहिं जाव समासासेइ / तए णं सेणिए राया अभएणं कुमारेणं एवं वृत्ते समाणे हद्वतुठे जाव अभयं कुमारं सक्कारेइ सम्माणेइ सक्कारिता सम्माणित्ता पडिविसज्जेइ // 15 // तए गं से अभए कुमारे सक्कारिए सम्माणिए पडिविसज्जिए समाणे सेणियस्स रण्णो अंतियाओ पडिणिक्खमइ 2 ता जेणामेव सए भवणे तेणामेव उवागच्छइ 2 ता सीहासणे णिसणे / तए णं तस्स अभयकुमारस्स अयमेयारूवे अज्झथिए जाव समप्पज्जित्था-पो खलु सक्का माणुस्सएणं उवाएणं मम चुल्लमाउयाए धारि. पीए देवीए अकालदोहलमणोरहसंपत्ति करित्तए णण्णत्थ दिवेणं उवाएणं / अस्थि थे मज्झ सोहम्मकप्पवासी पुत्वसंगइए देवे महिड्डिए जाव महासोक्खे / तं सेयं खलु मम पोसहसालाए पोसहियस्स बंभयारिस्स उम्मुक्कमणिसुवण्णस्स ववगयमालावण्णगविलेवणस्स मिक्खित्तसत्थमुसलस्स एगस्स अबीयस्स दब्भसंथारोवगयस्स अट्ठम मत्तं पगिहित्ता पुव्वसंगइयं देवं मणसीकरेमाणस्स विहरित्तए / तए गं पुव्वसंगइए देवे मम चुल्लमाउयाए धारिणीए देवीए अयमेयारूवे अकालमेहेसु दोहलं विहिइ, एवं संपेहेइ 2 ता जेणेव पोसहसाला तेणामेव उवागच्छइ 2 ता पोसहसालं पमज्जइ 2 ता उच्चारपासवणभूमि पडिलेहेइ 2 त्ता दब्भसंथारगं पडिलेहेइ 2 ता दन्मसंथारगं दुरूहइ. 2 ता अट्ठमभत्तं पगिण्हइ 2 ता पोसहसालाए पोसहिए बंभयारी जाध पुग्वसंगइयं देवं मणसीकरेमाणे 2 चिट्ठइ / तए णं तस्स अभयकुमारस्स अट्ठमभत्ते परिणममाणे पुटवसंगइयस्स देवस्स आसणं चलइ। तए णं पुव्वसंगइए सोहम्मकापवासी देवे आसणं चलियं पासइ 2 ता ओहि पउंजइ / तए गं तस्स पुन्वसंगइयस्स देवस्स अयमेयारूवे अज्झथिए जाव समुप्पज्जित्था-एवं खलु मम पुत्वसंगइए जंबूहीवे 2 भारहे वासे दाहिणड्डभरहे रायगिहे णयरे