________________ 94 अंग-पविट्ठ सुत्ताणि गाराई विरूवरूवाई महुस्सवाई कण्णसोयपडियाए णो अभिसंधारेज्जा गमणाए // 972 // से भिक्खू वा 2 णो इहलोइएहिं सहेहिं णो परलोइएहिं सद्देहि, * णो सुएहिं सद्देहिं, णो असुएहिं सहेहिं, णो दिटेहिं सद्देहिं णो अदिखेहिं सहेहिं, णो कंतेहिं सद्देहिं सज्जिज्जा, णो रजेजा, णो गिज्झेजा, णो मुज्झेज्जा, णो अज्झोववज्जेज्जा // 973 // एयं खलु तस्स भिक्खुस्स 2 वा सामग्गियं जाव जए जासि त्ति बेमि // 974 // एयारहममज्झयणं समत्तं / // रूव-सत्तिक्कयं णाम बारसमं अज्झयणं // से भिक्खू वा 2 अहावेगइयाई रूवाई पासइ तंजहा—गंथिमाणि वा, वेढिमाणि बा, पूरिमाणि वा, संघाइमाणि वा, कंठकम्माणि वा, पोत्थकम्माणि वा, चित्तकम्माणि वा, मणिकम्माणि वा, दंतकम्माणि वा, पत्तच्छेजकम्माणि वा, विविहाणि वा वेढिमाई जाव अण्णयराई वा तहप्पगाराई विरूवरूवाइं चक्खुदंसणपडियाए णो अभिसंधारेज्जा गमणाए / / 975 / / एवं णायव्वं जहा सद्दपडियाए सव्वा वाइत्तवज्जा रूवपडियाए वि / / 976 // दुवालसममज्झयणं समत्तं // परकिरिया-सत्तिक्कयं णाम तेरसमं अज्झयणं // परकिरियं अज्झत्थियं संसेसियं णो तं सायए णो तं णियमे / / 977 // सिया से परो पाए आमजिज्ज वा पमज्जिज्ज वा णो तं सायए णो तं णियमे सिया से परो पायाइं संवाहेज वा पलिमहिज्ज वा णो तं सायए णो तं णियमे सिया से परो पायाइं फुसेज वा रएन वा णो तं सायए णो तं णियमे सिया से परो पायाइं तेल्लेण वा घएण वा णवणीएण वा वसाए वा मक्खेज्ज वा अभिगिज्ज वा णो तं सायए णो तं णियमे, सिया से परो पायाई लोहेण वा कक्केण वा चुण्णेण वा वण्णेण वा उल्लोढिज्ज वा उन्वलिज्ज वा णो तं सायए णो तं णियमे, सिया से परो पायाई सीओदगवियडेण वा उसिणोदगवियडेण वा उच्छोलेज वा पहोलेज वा णोतं सायए णो तं णियमे, सिया से परो पायाइं अण्णयरेण विलेवणजाएण आलिंपेज वा विलिंपेज्ज वा णो तं सायए णो तं णियमे, सिया से परो पायाई अण्णयरेण धूवणजाएण धूवेज वा पधूवेज वा णो तं सायए णो तं णियमे, सिया से परो. पायाओ खाणं वा कंटयं वा णिहरेज वा विसोहेज वा णो तं सायए णो तं णियमे / सिया से परो
