________________ आयारो सु. 2 अ. 11 वा, दाराणि वा, गोपुराणि वा, अण्णयराई वा तहप्पगाराई सद्दाई णो अभिसंधारेज्जा गर्मणाए // 963 // से भिक्खू वा 2 अहावेगइयाई सद्दाई सुणेइ तंजहा–तियाणि वा, चउक्काणि वा, चच्चराणि वा, चउम्मुहाणि वा, अण्णयराई वा तहप्पगाराई सद्दाई णो अभिसंधारेज्जा गमणाए // 964 // से भिक्खू वा 2 अहावेगइयाइं सद्दाई सुणेइ तंजहा--महिसकरणट्ठाणाणि वा वसभकरणट्ठाणाणि वा, अस्सकरणट्ठाणाणि वा, हत्थिकरणहाणाणि वा जाव कविजलकरणट्ठाणाणि वा, अण्णयराई वा तहप्पगाराइं सहाई णो अभिसंधारेजा गमणाए // 965 // से भिक्खू वा 2 अहावेगइयाई सद्दाइं सुणेइ तंजहा--महिसजुद्धाणि वा, वसभजुद्धाणि वा, अस्सजुद्धाणि वा, हत्थिजुद्धाणि वा जाव कविंजलजुद्धाणिवा, अण्णयराई वा तहप्पगाराई णो अभिसंधारेज्जा गमणाए॥९६६॥से भिक्खू वा 2 अहावेगइयाई सहाई सुणेइ तंजहा--जूहियट्ठाणाणि वा, हयजूहियट्ठाणाणि गयजूहि यहाणाणि वा अण्णयराई तहप्पगाराई सहाई णो अभिसंधारेजा गमणाए॥९६७॥ से भिक्खू वा 2 जाव सुणेइ तंजहा-अक्खाइयट्ठाणाणि वा, माणुम्माणियट्ठाणाणि वा, महयाऽऽहयणगीयवाइयतंतितलतालतुडियपडुप्पवाइयट्ठाणाणि वा अण्णयराई वा तहप्पगाराई णो अभिसंधारेजा गमणाए // 968 // से भिक्खू वा 2 जाव सुणेइ तंजहा-कलहाणि वा, डिंबाणि वा, डमराणि वा, दोरजाणि वा, वेररज्जाणि वा, विरुद्धरज्जाणि वा, अण्णयराई वा तहप्पगाराइं सहाई णो अभिसंधारेज्जा गमणाए॥९६९॥से भिक्खूवा 2 जाव सद्दाई सुणेइ तंजहा खुड्डियं दारियं परिभुत्तमंडियालंकियणिवुज्झमाणिं पेहाए एगं पुरिसं वा वहाए णीणिज्जमाणं पेहाए अण्णयराई वा तहप्पगाराइं णो अभिसंधारेजा गमणाए // 970 // से भिक्खू वा 2 अण्णयराई विरूवरूवाई महासवाइं एवं जाणिज्जा तंजहा बहुसगडाणि वा, बहुरहाणि वा, बहुमिलक्खूणि वा, बहुपच्चंताणि वा, अण्णयराई वा तहप्पगाराई विरूवरूवाई महासवाई कण्णसोयपडियाए णो अभिसंधारेज्जा गमणाए // 971 // से भिक्खू वा 2 विस्वरूवाई महुस्सवाई एवं जाणिज्जा तंजहा—इत्थीणि वा, पुरिसाणि वा, थेराणि वा, डहराणि वा, मज्झिमाणि वा, आभरणविभूसियाणि वा, गायंताणि वा, वायंताणि वा, णबंताणि वा, हसंताणि वा, * रमंताणि वा, मोहंताणि वा विउलं असणपाणखाइमसाइमं परिभुजंताणि वा, परिभाईताणि वा, विच्छड्डियमाणाणि वा, विगोवयमाणाणि वा, अण्णयराइं वा तहप्प
