________________ 1018 अंग-पविट्ठ सुत्ताणि सम्वत्थवि पढमतइया भंगा, बेइंदियतेइंदियचरिदियाणपि सवथवि पढमतइया भंगा, गवरं सम्मत्ते णाणे आभिणिबोहियणाणे सुयणाणे तइओ भंगो। पंचिदियतिरिक्खजोणियाणं कण्हपविखए पढमतइया भंगा, सम्मामिच्छत्ते तइयचउत्थो भंगो, सम्मत्ते णाणे आभिणिबोहियणाणे सुयणाणे ओहिणाणे एएसु पंचसुवि पएसु बिइयविहूणा भंगा, सेसेसु चत्तारि भंगा, मणुस्साणं जहा जीवाणं, णवरं सम्मत्ते ओहिए णाणे आभिणिबोहियणाणे सुयणाणे ओहिणाणे एएसु बिइयविहूणा भंगा, सेसं तं चेव, वाणमंतरजोइसियवेमाणिया जहा असुरकुमारा, णाम गोयं अंतरायं च एयाणि जहा णाणावरणिज्ज / सेवं भंते ! सेवं भंते ! त्ति जाव विहरइ // 813 // . छवीसइमं सयं बीओ उद्देसो अणंतरोववण्णए गं भंते ! जेरइए पावं कम्मं कि बंधी० पुच्छा तहेव, गोयमा ! अस्थेगइए बंधी पढमबिइया भंगा। सलेस्से णं भंते ! अणंतरोववण्णए रइए पावं कम्मं कि बंधी० पुच्छा, गोयमा ! पढमबिइया भंगा, एवं खलु सम्वत्थ पढमबिइया भंगा, णवरं सम्मामिच्छत्तं मणजोगो वइ जोगो य ण पुच्छिज्जइ, एवं जाव थणियकुमाराणं, बेइंदियतेइंदियचउरिदियाणं वइजोगो ण भण्णइ, पंचिदियतिरिक्खजोणियाणंपि सम्मामिच्छत्तं ओहिणाणं विभंगणाणं मणजोगो वइजोगो एयाणि पंच पयाणि ण भणंति / मणुस्साणं अलेस्ससम्मा. मिच्छमणपज्जवणाणकेवलणाणविभंगणाणणोसण्णोव उत्त-अवेयग-अकमाई-मण - जोग वइजोगअजोगी एयाणि एक्कारस पयाणि ण भण्णति, वाणमंतरजोइसिय. वेमाणियाणं जहा णेरइयाणं तहेव ते तिणि ण भण्णंति, सन्वेसि जाणि सेसाणि ठाणाणि सध्वत्थ पढमबिइया भंगा, एगिदियाणं सम्वत्थ पढमबिइया भंगा, जहा पावे एवं णाणावरणिज्जेणवि दंडओ, एवं आउयवज्जेसु जाव अंतराइए दंडओ। अणंतरोवअण्णए गं भंते ! रइए आउयं कम्मं कि बंधी० पुच्छा, गोयमा ! बंधी ण बंधद बंधिस्सइ / सलेस्से णं भंते ! अणंतरोववण्णए रइए आउयं कम्म कि बंधी० ? एवं चेव तइओ भंगो, एवं जाव अणागारोवउत्ते, सम्वत्यवि तइओ भंगो, एवं मणुस्सवज्जं जाव वेमाणियाणं, मणुस्साणं सव्वत्थ तइयच उत्था भंगा, णवरं कण्हपक्खिएसु तइओ भंगो सन्वेसि णाणत्ताई ताई चेव / सेवं भंते ! सेवं भंते ! त्ति // 814 //
