________________ 1006 अंग-पविट्ठ सुत्ताणि गोयमा ! वड्डमाणपरिणामे होज्जा जहा पुलाए, एवं जाव परिहारबिसुद्धिए / सुहुमसंपराय० पुच्छा, गोयमा ! वड्डमाणपरिणामे वा होज्जा हीयमाणपरिणामे वा होज्जा णो अववियपरिणामे होज्जा, अहक्खाए जहा णियंठे / सामाइय. संजए णं भंते ! केवइयं कालं वड्डमाणपरिणामे होज्जा ? गोयमा ! जहणेणं एक्कं समयं जहा पुलाए, एवं जाव परिहारविसुद्धिए / सुहुमसंपरायसंजए णं भंते ! केवइयं कालं वडमाणपरिणामे होज्जा ? गोयमा ! जहणणं एक्क समयं उक्कोसेणं अंतोमुहत्तं / के वइयं कालं हीयमाणपरिणामे होज्जा एवं चेव / अहक्खायसंजए गं भंते ! केवइयं कालं वड्डमाणपरिणाम होज्जा ? गोयमा ! जहणेणं अंतोमुत्तं उक्कोसेणवि अंतोमहत्तं, केवइयं कालं अवट्ठियपरिणामे होज्जा ? गोयमा ! जहणेणं एक्कं समयं उक्कोसेणं देसूणा पुव्वकोडी 20 // 762 // सामाइयसंजए णं भंते ! कइ कम्मप्पगडीओ बंधइ ? गोयमा ! सत्तविहबंधए वा अट्टविहबंधए वा एवं जहा बउसे, एवं जाव परिहारविसुद्धिए। सुहमसंपरायसंजए पुच्छा, गोयमा ! आउयमोहणिज्जवज्जाओ छ कम्मप्पग. डीओ बंधइ, अहक्खायसंजए जहा सिणाए 21 // सामाइयसंजए णं भंते ! कइ कम्मप्पगडीओ वेदेइ ? गोयमा ! णियमं अट्ट कम्मप्पगडीओ वेदेइ, एवं जाव सुहुमसंपराए / अहक्खाए पुच्छा, गोयमा ! सत्तविहवेयए वा चउब्विहः वेयए वा, सत्त वेदेमाणे मोहणिज्जवज्जाओ सत्त कम्मप्पगडीओ वेदेइ, चत्तारि वेदेमाणे वेयणिज्जआउयणामगोयाओ चत्तारि कम्मप्पगडीओ वेदेइ 22 / सामाइयसंजए णं भंते ! कइ कम्मप्पगडीओ उदीरेइ ? गोयमा ! सत्तविह० जहा बउसो, एवं जाव परिहारविसुद्धिए / सुहमसंपराए पुच्छा, गोयमा ! छविहउदीरए वा पंचविहउदीरए वा, छ उदीरेमाणे आउयवेयणिज्जवज्जाओ छ कम्मप्पगडीओ उदीरेइ, पंच उदीरेमाणे आउयवेयणिज्जमोहणिज्ज. वज्जाओ पंच कम्मप्पगडीओ उदीरेइ / अहक्खायसंजए पुच्छा, गोयमा ! पंचविहउदीरए वा दुविहउदीरए वा, अणुदीरए वा, पंच उदीरेमाणे आउय० सेसं जहा णियंठस्स 23 // 793 // सामाइयसंजए णं भंते ! सामाइयसंजयत्तं जहमाणे कि जहइ कि उवसंपज्जइ ? गोयमा ! सामाइयसंजयत्तं जहइ छेदोवट्ठावणियसंजयं वा सुहमसंपरायसंजयं वा असंजमं वा संजमासंजमं वा उवसंपज्जइ / छेदोवढावणिय० पुच्छा, गोयमा ! छेदोवढावणियसंजयत्तं जहइ
