________________ 989 भगवई स. 25 उ. 6 अकम्मंसे 3, संसुद्धणाणदंसणधरे अरहा जिणे केवली 4, अपरिस्सावी // 1 // पुलाए गं भंते ! कि सवेयए होज्जा अवेयए होज्जा? गोयमा ! सवेयए होज्जा णो अवेयए होज्जा। जइ सवेयए होज्जा कि इत्थिवेयए होज्जा पुरिसवेयए होज्जा पुरिसंणपुंसगवेयए होज्जा? गोयमा ! णो इत्थिवेयए होज्जा पुरिसवेयए होज्जा पुरिसणसगवेयए वा होज्जा। बउसे गं भंते ! कि सवेयए होज्जा अवेयए होज्जा ? गोयमा ! सवेयए होज्जा णो अवेयए होज्जा, जइ सवेयए होज्जा कि इस्थिवेयए होज्जा परिसवेयए होज्जा पुरिसणपंसगवेयए होज्जा? गोयमा ! इथिवेयए वा होज्जा पुरिसवेयए वा होज्जा पुरिसणपुंसगवेयए वा होज्जा, एवं पडिसेवणाकुसीलेवि / कसायकुसीले गं भंते ! कि सवेयए होज्जा० पुच्छा, गोयमा ! सवेयए वा होज्जा अवेयए वा होज्जा। जइ अवेयए होज्जा कि उवसंतवेयए होज्जा खीणवेयए होज्जा ? गोयमा ! उवसंतवेयए वा होज्जा खीणवेयए वा होज्जा, जइ सवेयए होज्जा कि इथिवेयए होज्जा. पुच्छा, गोयमा ! तिसुवि जहा बउसो। णियंठे गं भंते ! कि सवेयए० पुच्छा, गोयमा! णो सवेयए होज्जा अवेयए. होज्जा / जइ अवेयए होज्जा कि उवसंत पुच्छा, गोयमा ! उवसंतवेयए वा होज्जा खीणवेयए वा होज्जा / सिणाए गं भंते ! कि सवेयए होज्जा० ? जहा णियंठे तहा सिणाएवि, णवरं णो उवसंतवेयए होज्जा खीणवेयए होज्जा 2 // 750 // पुलाए गं. भंते ! कि सरागे होज्जा वीयरागे होज्जा ? गोयमा ! सरागे होज्जा णो वीयरागे होज्जा, एवं जाव कसायकुसीले / णियंठे गं मंते ! किं सरागे होज्जा० पुच्छा, गोयमा ! णो सरागे होज्जा वीयरागे होज्जा। जइ वीयरागे होज्जा कि उवसंतकसायवीयरागे होज्जा खीणकसायवीयरागे होज्जा ? गोयमा ! उवसंतकसायवीयरागे वा होज्जा खीणकसायवीयरागे वा होज्जा, सिणाए एवं चेव, णवरं णो उवसंतकसायवीय. रागे होज्जा खीणकसायवीयरागे होज्जा 3 // 751 // पुलाए गं भंते ! कि ठियकप्पे होज्जा अट्ठियकप्पे होज्जा ? गोयमा ! ठियकप्पे वा होज्जा अट्ठियकप्पे वा होज्जा, एवं जाव सिणाए / पुलाए गं भंते ! कि जिणकप्पे होज्जा थेरकप्पे होज्जा कप्पाईए होज्जा ? गोयमा ! णो जिणकप्पे होज्जा थेरकप्पे होज्जा. णो कप्पाईए होज्जा / बउसे गं--पुच्छा, गोयमा ! जिणकप्पे वा होज्जा थेरकप्पे वा होज्जा णो कप्पाईए होज्जा, एवं पडिसेवणाकुसीलेवि। कसायकुसीले गं पुच्छा, गोयमा ! जिणकप्पे वा होज्जा थेरकप्पे वा होज्जा
