________________ 988 अंग-पविटु सुत्ताणि जीवाभिगमे तहेव णिरवसेसं // 748 // कइविहे णं भंते ! णामे पणत्ते ? गोयमा ! छविहे णामे पण्णते, तंजहा-उदइए जाव सण्णिवाइए / से कि तं उदइए णामे ? उदइए णामे दुविहे प०, तं०-उदइए य उदयणिप्फण्णे य, एवं जहा सत्तरसमसए पढमे उद्देसए भावो तहेव इहवि, णवरं इमं णामणाणतं, सेसं तहेव जाव सण्णिवाइए / सेवं भंते ! सेवं भंते ! ति // 746 // पंचवीसइमं सयं छठ्ठो उद्देसो पण्णव 1 वेय 2 रागे 3 कप्प 4 चरित्त 5 पडिसेवणा 6 णाणे 7 / तित्थे 8 लिंग : सरीरे 10 खेत्ते 11 काले 12 गइ 13 संजम 14 णिगासे 15 // 1 // जोग 16 वओग 17 कसाए 18 लेसा 16 परिणाम 20 बंध 21 वेदे य 22 / कम्मोदीरण 23 उवसंपजहण्ण 24 सण्णा य 25 आहारे 26 // 2 // भव 27 आगरिसे 28 कालं 26 तरे य 30 समुग्धाय 31 खेत 32 फुसणा य 33 / भावे 34 परिमाणे 35 विय अप्पाबहुयं 36 णियंठाणं 37 // 3 // रायगिहे जाव एवं वयासी-कइ णं भंते ! णियंठा पण्णता ? गोयमा ! पंच णियंठा प०, तं०-पुलाए बउसे कुसीले णियंठे सिपाए / पुलाए णं भंते ! कइ. विहे पण्णत्ते ? गोयमा ! पंचविहे प०, तं०-णाणपुलाए दंसणपुलाए चरित्त. पुलाए लिंगपुलाए अहासुहुमपुलाए णामं पंचमे / बउसे णं भंते ! कइविहे प०? गोयमा ! पंचविहे प०, तं०-आभोगबउसे अणाभोगब उसे संवुडबउसे असंवुडबउसे अहासुहुमबउसे णामं पंचमे / कुसीले णं भंते ! कइविहे प० ? गोयमा ! दुविहे प०, तं०-पडिसेवणाकुसीले य, कसायकुसीले य / पडिसेवणाकुसीले णं भंते ! कइविहे पण्णत्ते ? गोयमा ! पंचविहे प०, तं०-णाणपडिसेवणाकूसीले दसणपडिसेवणाकुसीले चरित्तपडिसेवणाकुसीले लिगपडिसेवणाकुसीले अहासुहम. पडिसेवणाकुसीले णामं पंचमे। कसायकुसीले ण भंते ! कइविहे पण्णत्ते गोयमा ! पंचविहे प०, तं-णाणकसायकुसीले दसणकसायकुसीले चरित्तकसायकुसीले लिंगकसायकुसीले अहासुहमकसायकुसीले णामं पंचमे / णियंठे गं भंते ! कइ. विहे प० ? गोयमा! पंचविहे प०, तंजहा-पढमसमयणियंठे अपढमसमयणियंठे चरिमसमयणियंठे अचरिमसमयणियंठे अहासुहमणियंठे णामं पंचमे / सिणाए गं भंते ! कइविहे प० ? गोयमा ! पंचविहे प०, तं०-अच्छवी 1, असबले 2,
