________________ - कप्पसुत्तं-सिरिमहावीरचरियं रियमचवलमसंभंताए अविलंबियाए रायहंससरिसीए गईए जेणेव सए भवणे तेणेव उगच्छइ 2 त्ता सयं भवणं अणुपविट्ठा // 86-87 // जप्पमिदं च णं समणे भगवं महावीरे तंसि णा(रा)यकुलंसि साहरिए तप्पभिई च णं बहवे वेसमणकुंडधारिणो तिरियजंभगा देवा सक्कवयणेणं से जाइं इमाइं पुरापोराणाई महाणिहाणाई भवंति, तंजहा-पहीणसामियाई पहीणसेउयाइं पहीण(गु)गोत्तागाराई, उच्छिण्णसामियाई उच्छिण्णसेउयाई उच्छिण्णगोत्तागाराई, गामागरणगरखेडकब्बडमडंबदोणमुह. पट्टणासमसं-बाहसंणिवेसेसु सिंघाडएसु वा तिएसु वा चउक्केसु वा चच्चरेसु वा चउम्मुहेसु वा महापहेसु वा गामट्ठाणेसु वा णगरट्ठाणेसु वा गामणि द्धमणेसु वा णगरणिद्धमणेसु वा आवणेसु वा देवकुलेसु वा सभासु वा पवासु वा आरामेसु वा उजाणेसु वा वणेसु वा वणसंडेसु वा सुसाणसुण्णागारगिरिकंदरसंतिसेलोवट्ठाणभवणगिहेसु वा सण्णिक्खित्ताइं चिट्ठति ताई सिद्धत्थरायभवणंसि साहति // 88 / / जं रयणिं च णं समणे भगवं महावीरे णायकुलंसि साहरिए तं रयणिं च णं णायकुलं हिरण्णेणं ववित्था, सुवण्णेणं वढित्था, धणेणं धण्णेणं रजेणं रटेणं बलेक वाहणेणं कोसेणं कोट्ठागारेणं पुरेणं अंतेउरेणं जणवएणं जसवाटणं ववित्था, विपुल. वणकणगरयणमणिमोत्तियसंखसिलप्पवालरत्तरयणमाइए) संतसारसावइजे पीइ. सक्कारसमुदएणं अईव अईव अभिववृित्था ||89 // तए णं समणम्स भगवओ महावी. रस्स अम्मापिऊप्पं अयमेयारूवे अब्भन्थिए चिंतिए पत्थिए मणोगए संकप्पे समुप्पज्जित्था-जप्पमिइं चणं अम्ह एस दारए कुच्छिंसि गब्भत्ताए ववकंते तप्पभिई च णं अम्हे हिरण्णेणं वडामो, सुवण्णेणं वड्डामो, धणेणं जाव संतसारसावइज्जेणं पीइसक्कारेणं अईव अईव अभिवडामो, तं जया णं अम्हं एस दारए जाए भविस्सइ तया ण अम्हे एयस्स दारगस्स एयाणुरूवं गुण्णं गुणणिप्पणं णाम विज्ज करिसामोवद्धमाणुत्ति // 90 // तए णं समणे भगवं महावीरे माउअणुकंपणट्ठाए णिच्चले णिप्फंदे णिरेयेणे अल्लीणपल्लीणगुत्ते यावि होत्था // 91 // तए ण तीसे तिसलाए खत्तियाणीए अयमेयारूवे जाव संकप्पे समुप्पज्जित्था-हडे मे से गब्भे, मडे मे से गम्भे, चुए मे से गब्भे, गलिए मे से गब्भे, एस मे गम्भे पुट्विं एयइ, इयाणिं णो एयइत्तिकटु ओहयमणसंकप्पा चिंतासोगसागरसंपविट्ठा करयलपल्हत्यमुही अट्ट ज्झाणोवगया भूमीगयदिट्ठिया झियायइ, तं पि य सिद्धत्थरायबरभवणं उवरयमुइंग 1 'आयत्तया' 2 णिक्कंपे।
