________________ 1272 अनंगपविट्ठसुत्ताणि णो आगमओ दव्वज्झीणे तिविहे पणत्ते / तंजहा-जाणयसरीरदव्वज्झीणे 1 भवियसरीरदव्वज्झीणे 2 जाणयसरीरभवियसरीरवइरित्ते दव्वझीणे 3 / से किं तं जाणयसरीरदव्वज्झीणे / जाणयसरीरदव्वज्झीणे-'अज्झीण' पयत्थाहिगारजाणयस्स जं सरीरयं ववगयचुयचावियचत्तदेहं जहा दव्वज्झयणे तहा भाणियव्वं जाव सेनं जाणयसरीरदव्वज्झीणे / से किं तं भवियसरीरदव्वज्झीणे ? भवियसरी रदव्वज्झीणे-जे जीवे जोणिनम्मणणिस्खंते जहा दव्यज्झयणे जाव सेत्तं भवियसरीरदव्वज्झीणे / से किं तं जाणयसरीरभवियसरीवइरित्ते दव्वज्झीणे ? जाणयसरीरभवियसरीवइरित्ते दव्यज्झीणे सव्वागाससेढी / सेत्तं जाणयसरीरंभवियसरीरवइरित्तं दव्वज्झीणे / सेत्तं णोआगमओ दव्यज्झीणे / सेत्तं दव्वज्झीणे / से किं तं भावज्झीणे ? भावज्झीणे दुविहे पण्णत्ते / तंजहा-आगमओ य 1 णोआगमओ य 2 / से किं तं आगमओ भावज्झीणे ? आगमओ भावज्झीणे जाणए उवउत्ते / सेत्तं आगमओ भावज्झीणे / से किं तं णोआगमओ भावज्झीणे ? णोआगमओ भावज्झीणे-गाहा-जह दीवा दीवसयं पइप्पई, दिप्पए य सो दीवो। दीवसमा आयरिया, दिप्पंति परं च दीवंति // 1 // सेत्तं णोआगमओ भावज्झीणे / सेत्तं भावज्झीणे / सेत्तं अज्झीणे / से किं तं आए ? आए चउविहे पण्णत्ते / तंजहाणामाए 1 ठवणाए 2 दवाए 3 भावाए 4 / णामटवणाओ पुव्वं भणियाओ। से किं तं दव्वाए ? दवाए दुविहे पण्णत्ते / तंजहा-आगमओ य 1 णोआगमओ य 2 / से किं तं आगमओ दव्वाए ? आगमओ दवाए-जस्स णं 'आए' त्ति पयं सिक्खियं, ठियं,जियं, मियं,परिजियं जाव कम्हा ? 'अणुवओगो' दव्वमिति कटु / णेगमस्स णं जावइया अणुवउत्ता आगमओ तावइया ते दवाया जाव सेत्तं आगमओ दव्वाए। से किं तं णोआगमओ दवाए ? णोआगमओ दव्वाए तिविहे पण्णत्ते / तंजहा-जाणयसरीरदव्वाए 1 भवियसरीरदव्वाए 2 जाणयसरीरभवियसरी रवइरित्ते दवाए 3 / से किं तं जाणयसरीरदव्वाए ? जाणयसरीरदव्वाए-'आय' पयत्थाहिगारजाणयस्स जं सरीरयं ववगयच्यचावियचत्तदेहं जहा दव्वज्झयणे जाव सेत्तं जाणयसरीरदव्वाए। से किं तं भवियसरीरदव्वाए ? भवियसरी रदव्वाएजे जीवे जोणिजम्मणणिक्खते जहा दव्यज्झयणे जाव सेत्तं भवियसरी रदव्वाए / से किं तं जाणयसरीरभवियसरीरवइरित्ते दव्वाए ? जाणयसरीरभवियसरीवइरितें दव्वाए तिविहे पण्णत्ते / तंजहा-लोइए 1 कुप्पावयणिए 2 लोगुत्तरिए 3 / से किं तं
