________________ 1260 ___अनंगपविद्वसुत्ताणि रेणं / सेत्तं आसएणं / सेत्तं सेसवं / से किं तं दिट्ठसाहम्मवं ? दिट्ठसाहम्मवं दुविहं पण्णत्तं / तंजहा-सामण्णदिटुं च 1 विसेसदिटुं च 2 / से किं तं सामण्णदिटुं ? सामण्णदिटुं-जहा एगो पुरिसो तहा बहवे पुरिसा, जहा बहवे पुरिसा तहा एगो पुरिसो,जहा एगो करिसावणो तहा बहवे करिसावणा, जहा बहवे करिसावणा तहा एगो करिसावणो / सेत्तं सामण्णदिटुं / से किं तं विसेसदिटुं ? विसेसदिटुं-से जहाणामए केइ पुरिसे कंचि पुरिसं बहूणं पुरिसाणं मज्झे पुव्वदिटुं पञ्चभिजाणेजा-'अयं से पुरिसे', बहूणं करिसावणाणं माझे पुव्वदिटुं करिसावणं पच्चभिजाणेजा-'अयं से करिसावणे' / तस्स समासओ तिविहं गहणं भवइ, तंजहा-अतीयकालगहणं 1 पडुप्पण्णकालगहणं 2 अणागयकालगहणं 3 / से किं तं अतीयकालगहणं ! अतीयकालगहणं-उत्तणाणि वणाणि णिप्फण्णसरसं वा मेइणिं पुण्णाणि य कुंडसरणईदीहियातडागाइं पासित्ता तेणं साहिजइ जहा-सुवुट्ठी आसी / सेत्तं अतीयकालगहणं / से किं तं पडुप्पण्णकालगहणं ? पडुप्पण्णकालगहण-साहुं गोयरन्गगयं विच्छिड्डियपउरभत्तपाणं पासित्ता तेणं साहिजइ जहा-सुभिक्खे वट्टइ / सेत्तं पडुप्पण्णकालगहणं / से किं तं अणागयकालगहणं ? अणागयकालगहणं-अब्भस्स णिम्मलत्तं, कसिणा य गिरी सविज्जुया मेहा / थणियं वाउब्भामो, संझा रत्ता पणि(ट्ठा)द्धा य // 3 // वारुणं वा महिंदं वा अण्णयरं वा पसत्थं उप्पायं पासित्ता तेणं साहिजइ नहा-सुत्रुट्ठी भविस्सइ / सेत्तं अणागयकालगहणं / एएसिं चेव विवजासे तिविहं गहणं भवइ, तंजहा-अतीयकालगहणं 1 पडुप्पण्णकालगहणं 2 अणागयकालगहणं 3 ।से किं तं अतीयकालगहणं 12 णित्तिणाई बणाई अणिप्फण्णसरसं वा मेइणिं सुक्काणि य कुंडसरणईदीहियातडागाई पासित्ता तेणं साहिजइ जहा-कुट्टी आसी / सेत्तं अतीयकालगहणं / से किं तं पडुप्पण्णकालगहणं ? पडुप्पण्णकालगणंसाहुं गोयरग्गगयं भिक्खं अलभमाणं पासित्ता तेणं साहिजइ जहा-दुभिक्खे वट्टइ / सेत्तं पडुप्पण्णकालगहणं / से किं तं अणागयकालगहणं ? अणागयकालगहणंगाहा-धूमायंति दिसाओ, संविय-मेइणी अपडिबद्धा / वाया गेरइया खल, कुवुट्टिमेवं णिवेयंति // 4 // अग्गेयं वा वायव्वं वा अण्णयरं वा अप्पसत्थं उप्पायं पासित्ता तेणं साहिजइ जहा-कुवुट्ठी भविस्सइ / सेत्तं अणागयकालगहणं / सेत्तं . विसेसदिटुं / सेत्तं दिट्ठसाहम्मवं / सेत्तं अणुमाणे / से किं तं ओवम्मे ? ओवम्मे दुविहे पण्णत्ते / तंजहा-साहम्मोवणीए 1 वेहम्मोवणीए य 2 / से किं तं साहम्मो
