________________ 1258 अनंगपविट्सत्ताणि जहा असुरकुमाराणं तहा भाणियव्वा / वाणमंतराणं भंते ! केवइया तेयगकम्मगसरीरा पण्णत्ता 1 गोयमा ! जहा एएसिं चेव वेउब्वियसरीरा तहा तेयगकम्मगसरीरा भाणि. .यचा। जोइसियाग भंते ! केवइया ओरालियसरीरा पण्णत्ता? गोयमा! जहाणेरइयाणं तहा भाणियव्वा। जोइसियाण भंते ! केवइया वेउब्वियसरीरा पण्णता ? गोयमा ! दुविहा पण्णत्ता / तंजहा-बद्धेलया य 1 मुक्केल्लया य 2 / तत्थ णं जे ते बद्धेल्लया जाव तासि णं सेढीणं विक्खभसूई, बेछप्पण्णंगुलसयवग्गपलिभागो पयरस्स / मुक्केल्लया जहा ओहिया ओरालिया तहाभाणियव्वा / आहारयसरीरा जहा ोरइयाणं तहा भाणियव्वा / तेयगकम्मगसरीरा नहा एएसिं चेव वेउव्विया तहा भाणि यव्वा / वेमाणियाणं भंते ! केवइया ओरालियसरीरा पण्णत्ता ? गोयमा ! जहा णेरइयाणं तहा भाणियव्वा / वेमाणियाणं भंते ! केवइया वेउव्वियसरीरा पण्णत्ता ? गोयमा! दुविहा पण्णत्ता / तंजहा-बद्धेलया य 1. मुक्केलया य 2 / तत्थ णं जे ते बद्धेल्लया ते णं असंखिजा, असंखिजाहिं उस्सप्पिणीओसप्पिणी हिं, अवहीरंति कालओ, खेत्तओ असंखिजाओ सेढीओ पयरस्स असंखेजहभागो, तासि णं सेढीणं विक्खंभसूई अंगुलबीयवग्गमूलं तइयवग्गमूलपडुप्पण्णं अहव णं अंगुलतइयवग्गमूलघण. प्पमाणमेत्ताओ सेढीओ / मुक्केल्लया जहा ओहिया ओरालिया तहा भाणियव्वा / आहारगसरीरा जहा णेरइयाणं / तेयगकम्मगसरीरा जहा एए सिं चेव वेउव्वियसरीरा तहा भाणियव्वा / सेत्तं सुहुमे खेत्तपलिओवमे / सेत्तं खेत्तपलिओवमे / सेत्तं पलिओवमे / सेत्तं विभागणिप्फण्णे / सेत्तं कालप्पमाणे // 143 / / से किं तं भावप्पमाणे ? भावप्पमाणे तिविहे पण्णत्ते / तंजहा-गुणप्पमाणे. 1 णयप्पमाणे 2 संखप्पमाणे 3 ॥१४४॥से किं तं गुणप्पमाणे ? गुणपंमाणे दुविहे पण्णत्ते / तंजहा-जीवगुणप्पमाणे 1 अजीवगुणप्पमाणे य 2 / से किं तं अजीवगुणप्पमाणे ? अजीवगुणप्पमाणे पंच विहे पण्णत्ते / तंजहा-वण्णगुणप्पमाणे 1 गंधगुणप्पमाणे 2 रसगुणापमाणे 3 पास्गुणप्पमाणे 4 संठाणगुणप्पमाणे 5 / से किं तं वण्णगुणप्पमाणे ? वण्णगुणप्पमाणे पंचविहे पण्णत्ते / तंजहा-कालवण्णगुणप्पमाणे 1 जाव सुकिल्लवण्णगुणप्पमाणे 5 / सेत्तं वण्णगुणप्पमाणे / से किं तं गंधगुणप्पमाणे ? गंधगुणप्पमाणे दुविहे पण्णत्ते / तंजहासुरभिगंधगुणप्पमाणे 1 दुरभिगंधगुणप्पमाणे 2 / सेत्तं गंधगुणप्पमाणे / से किं तं रसगुणप्पमाणे ? रसगुणप्पमाणे पंचविहे पण्णत्ते। तं०-तित्तरसगुणप्पमाणे 1 नाव महुररसगुणप्पमाणे 5 / सेत्तं रसगुणप्पमाणे / से किं तं फासगुणप्पमाणे 1 पास्गुणप्पमाणे अट्ठविहे पण्णत्ते / तं०-कवखडफासगुणप्पमाणे 1 जाव लक्खफागणापमाणे 8 / सेत्तं फासगुणप्पमाणे / से किं तं संटाणगुणप्पमाणे ? संटाणगुणप्पमाणे पंचविहे
