________________ अणुओगदारसुत्तं-दसणामे 1229 पएण ? फडिवक्खपएणं-णवसु गामागरणगरखेडकब्बडमडंबदोणमुहपट्टणासमसंवाहसण्णिवेसेसु सण्णिविस्समाणेसु-असिवा सिवा,अग्गी सीयलो, विसं महुरं,कल्लालघरेसु अंबिलं साउयं, जे लत्तए से अलत्तए, जे लाउए से अलाउए, जे सुंभए से कुसुभए, आलवंते विवलीयभासए / सेत्तं पडिबक्खपएणं / से किं तं पाहण्णयाए ? पाहण्णयाएअसोगवणे, सत्तवण्णवणे, चंपगवणे, चूयवणे, गागवणे, पुण्णागवणे, उच्छुवणे, दक्खवणे, सालिवणे / सेत्तं पाहण्णयाए / से किं तं अणाइयसिद्धतेणं 1 अणाइयसिद्धतेणं-धम्मस्थिकाए, अधम्मस्थिकाए, आगासस्थिकाए, जीवस्थिकाए,पुग्गलत्थिकाए, अद्धासमए / सेत्तं अणाइयसिद्धतेणं / से किं तं णामेणं 1 णामेणं-पिउपियामहस्स णामेणं उण्णामिज(ए)इ / सेत्तं जामणं / से कितं अवयवेणं? अवयवेणं-सिंगी सिही विसाणी, दाढी पक्खी खुरी णही वाली / दुपय चउप्पय बहुप्पय, गंगुली केसरी कउही // 1 // परियरबंधेण भडं, जाणिजा महिलियं णिवसणेणं / सित्थेण दोणवायं, कविं च एक्काए गाहाए / 2. // सेत्तं अवयवेणं / से किं तं संजोएणं ? संजोगे चउबिहे पण्णत्ते / तंजहा-दव्वसंजोगे 1 खेत्तसंजोगे 2 कालसंजोगे 3 भावसंजोगे 4 / से किं तं दन्वसंजोगे ? दव्वसंजोगे तिविहे पण्णत्ते / जहासचित्ते 1 अचित्ते 2 मीसए 3 / से किं तं सचित्ते ? सचित्ते-गोहिं गोमिए, महिसीहि महिसए, ऊरणीहिं ऊरणीए, उट्टीहिं उट्टीवाले। सेत्तं सचित्ते / से किं तं अचित्ते ? अचित्ते-छत्तेणं छत्ती, दंडेणं दंडी, पडेणं पडी, घडेणं घडी, कडेणं कडी / सेत्तं अचित्ते / से किं तं मीसए ? मीसए-हलेणं हालिए, सगडेणं सागडिए, रहेणं रहिए, णावाए णाबिए / सेत्तं मीसए। सेत्तं दध्वसंजोगे। से किं तं खेत्तसंजोगे? खेत्तसंजोगे-भारहे, एरवए, हेमवए, एरण्णवए, हरिवासए, रम्मगवासए, देवकुरुए, उत्तरकुरुए, पुव्व विदेहए, अवरविदेहए। अहवा-मागहे, मालवए, सोरट्ठए, मरहहए, कुंकणए / सेत्तं खेत्तसंजोगे। से किं तं कालसंजोगे ? कालसंजोगे-सुसमसुसमाए 1 सुसमाए 2 सुसमदूसमाए 3 दूसमसुसमाए 4 दूसमाए 5 दूसमदूसमाए 6 / अहवा-पावसए 1 वासारत्तए 2 सरदए 3 हेमंतए 4 वसंतए 5 गिम्हए 6 / सेत्तं कालसंजोगे / से किं तं भावसंजोगे ? भावसंजोगे दुविहे पण्णत्ते / तंजहा-पसत्थे य 1 अपसत्थे य 2 / से किं तं पसत्थे ? पसत्थे. णाणेणं णाणी, देसणेणं दंसणी, चरित्तेणं चरित्ती / सेत्तं पसत्थे / से किं तं अपसत्थे ? अपसत्थे-कोहेणं कोही, माणेणं माणी, मायाए माई, लोहेणं लोही / सेत्तं अपसत्थे / सेत्तं भावसंजोगे। सेत्तं संजोएणं / से किं तं पमाणेणं ? पमाणे चउविहे
