________________ ___ अणुओगदारसुत्तं-चउणामे 1219 णामे पंचविहे -पण्णत्ते / तंजहा-कालवण्णणाम 1 णालण्णणाम 2 लोहियवण्णणामे 3 हालिद्दवण्णणामे 4 सुक्किलवणणामे 5 / सेत्तं वणणाम / से किं तं गंधणामे ? गंधणामे दुविहे पण्णत्ते / तंजहा-सुरभिगंधणामे य 1 दुरभिगंधणामे य 2 / सेत्तं गंधणामे।से किं तं रसणामे ? रसणामे पंचविहे पण्णत्ते / तंजहा-तित्तरसणामे 1 कडुयरसणामे 2 कसायरसणामे अंबिलरसणामे 4 महुररस,णामे य 5 / सेत्तं रसणामे / से किं तं फासणाम?फासणामे अट्ठविहे पण्णत्ते / तंजहा-कक्खड फासणामे 1 मउयफासणामे 2 गरुयफासणामे 3 लहुयफासणाम 4 सीयफासणामे 5 उसिणफासणामे 6 णिद्धफासणामे 7 लुक्खफासणामे य 8 / सेत्तं फासणामे / से किं तं संठाणणामे ? संठाणणामे पंचविहे पण्णत्ते / तंजहा-परिमंडलसंटाणणामे 1 वसंटाणणामे 2 तंससंठाणणामे 3 चउरंससंठाणणामे 4 आययसंटाणणामे 5 / सेत्तं संठाणणामे / सेत्तं गुणणामे। से किं तं पजवणामे ? पजवणामे अणेगविहे पण्णत्ते / तंजहा-एगगुण. कालए, दुगुणकालए,तिगुणकालए जाव दसगुणकालए,संखिजगुणकालए, असंखिनगुणकालए,अणंतगुणकालए। एवं णीललोहियहालिद्दसुकिल्ला वि भाणियव्वा / एगगुणसुरभिगंधे, दुगुणसुरभिगंधे, तिगुणसुरभिगंधे जाव अणंतगुणसुरभिगंधे / एवं दुरभिगंधो वि भाणियव्यो / एगगुणतित्ते जाव अणंतगुणतित्ते / एवं कडुयकसायअंबिलमहुरा वि भाणियव्वा / एगगुणकक्खडे जाव अणंतगुणकवखडे / एवं मउयगरुयलहुयसीयउसिणणिद्धलुवा वि भाणियव्वा / सेत्तं पजवणाम / गाहाओ-तं गुण णामं तिविहं, इत्थी पुरिसं णपुंसगं चेव / एए-सिं तिण्हं दि(य), अंतम्मि य परूवणं वोच्छं // 1 // तत्थ पुरिसस्स अंता, आ ई ऊ ओ हवंति चत्तारि / ते चेव इत्थियाओ, हवंति ओकारपरिहीणा // 2 // अंतिय इंतिय उंतिय, उ ताय णपुंसगस्स बोद्धव्वा / एएसिं तिण्हं पि य, वोच्छामि णिदंसणे एत्तो // 3 // आगारंतो 'राया', ईगारंतो "गिरी' य 'सिहरी' य / ऊगारंतो 'विण्हू', 'दुमो' य अंता उ पुरिसाणं // 4 // आगारंता 'माला', ईगारंता- 'सिरी' य 'लच्छी' य / उगारंता 'जंबू', 'वहू' य अंताउ इत्थीण // 5 // अकारंतं 'धण्णं,' इंकारंतं णपुंसगं 'अस्थि' / उंकारंतं 'पीलं,' 'महं' च अंता णपुंसाणं // 6 // सेत्तं तिणामे // 124 // से किं तं चउणाम ? चउणामे चउविहे पण्णत्ते / तंजहा-आगमेणं 1 लोवेणं 2 पयईए 3 विगारेणं 4 / से किं तं आगमेणं ? आगमेणं-पद्माणि, पेयांसि, कुण्डाणि / सेत्तं 1 पोम्माइं, 2 पयाई, 3 कुंडाई।
