________________ . अणुओगदारसुत्तं-सुयणामधेज्जा 1197 तं जाणयसरीरदव्वसुयं ? जाणयसरीरदव्वसुयं-'सुय' त्ति पयत्याहिगारजाणयस्स बं सरीरयं ववगयचुयचावियचत्तदेहं जाव पासित्ता णं कोई भणेजा-अहो ! णं इमेणं सरीरसमुस्सएणं जिणदिट्टेणं भावेणं 'सुय' त्ति पयं आघवियं जाव अयं घयकुंभे आसी / सेत्तं जाणयसरीरदव्वसुयं // 36 // से किं तं भवियसरीरव्वसुयं ? भवियसरीरदव्वसुयं-जे जीवे जोणिजम्मणणिवखते जाव जिणोवदिटेणं भावेणं 'सुय' त्ति पयं सेयकाले सिक्खिस्सइ जाव अयं घयकुंभे भविस्सइ / सेत्तं भवियसरीरदव्व. सुयं // 37 // से किं तं जाणयसरीरभवियसरीरवरितं दव्वसुयं ? नाणयसरी रमवियसरीरवइरित्तं दव्वसुयं पत्तयपोत्थयलिहियं / अहवा जाणयसरीरमवियसरीरवहरितं दव्वसुयं पंच विहं पण्णत्तं / तंजहा-अंडयं 1 बोंडयं 2 कीडयं 3 वालयं 4 वागयं 5 / से किं तं अंडयं ? अंडयं हंसगन्भाइ / से किंत बोंडयं ? बोंडयं कप्पासमाइ / से किं तं कीडयं कीडयं पंचविहं पण्णत्तं / तंजहा-पट्टे 1 मलए 2 अंसुए 3 चीणंसुए 4 किमिरागे 5 / से किं तं वालयं 1 वालयं पंचविहं पण्णत्तं / तं०-उण्णिए 1 उट्टिए 2 मियलोमिए 3 कोतवे 4 किट्टिसे 5 / से किं तं वागय ? वागयं सणमाइ / सेत्तं जाणय. सरीरभवियसरीरवहरित दव्वसुयं / सेत्तं णोआगमओ दव्वसुयं / सेत्तं दव्वसुयं // 38 // से किं तं भावसुयं ? भावसुयं दुविहं पण्णत्तं / तंजहा-आगमओ य 1 णोआगमओ य 2 // 39 // से किं तं आगमओ भावसुयं ? आगमओ भावसुयं नाणए उवउत्ते / सेत्तं आगमओ भावसुयं // 40 // से किं तं णोआगमओ भावसुय ? णोआगमओ भावसुयं दुविहं पण्णत्तं / तंजहा लोइयं 1 लोगुत्तरियं च 2 // 41 // से किं तं लोइयं णोआगमओ भावसुयं ? लोइयं णोआर्गमओ भावसुयं-जं इमं अण्णाणिएहि मिच्छदिट्ठीहिं सच्छंदबुद्धिमइविगप्पिय तंजहा-भारहं, रामायणं, भीमासुस्वकं, कोडिल्लयं, घोडयमुहं, सगडभद्दियाउ, कप्पासियं, णागसुहुमं, कणगसत्तरी, वेसियं वइसे सियं, बुद्धसासणं, काविलं, लोगायतं, सट्ठियंतं, माढरपुराणवागरणणाडगाई, अहवा बावतरिकलाओ, चत्तरि वेया संगोवंगा। सेत्तं लोइयं णोआगमओ भावसुयं // 42 // से किं तं लोउत्तरियं णोआगमओ भावसुयं ? लोउत्तरियं णोआगमओ भावसुयं-जं इमं अरिहंतेहिं भगवंतेहिं, उप्पण्णणाणदंसणधरेहि, तीयपन्चुप्पण्णमणागयजाणएहि, सवण्णूहिँ सव्वदरिसीहि, तिलुक्कवहियमहियपृइए हिं, अप्पडिहयवरणाणदंसणधरेहि, पणीयं दुवालसंगं गणिपिडगं / तंजहा- आयारो 1 सूयगडो 2 ठाणं 3 समवाओ४ विवाहपण्णत्ती 5 णायाधम्मकहाओ 6 उवासगदसाओ 7 अंतगडदसाओ 8 अणु
