________________ 1178 अनंगपविट्ठसुत्ताणि करिसए 2, कोलिय 3 डोवे 4 य मुत्ति 5 घय 6 पवए 7 / तुण्णाए 8 वट्टाय 9, पूयह 10 घड 11 चित्तकारे 12 य // 77|| अणुमाणहेउदिटुंतसाहिया, वयविवागपरिणामा। हियणिस्सेयसफलवई, बुद्धी परिणामिया गाम // 78 // अभए 1 . सिट्ठि 2 कुमारे 3, देवी 4 उदिओदए हवइ राया 5 / साहू य णंदिसेणे 6 घणदत्ते 7 सावग 8 अमच्चे 9 // 79 // खमए 10 अमच्चपुत्ते 11, चाणक्के 12 चेव थूलभद्दे 13 य / णासिकसुंदरिणंदे 14, वइरे 15 परिणामिया बुद्धी ||80 // चलणाहण 16 आमंडे 17, मणी 18 य सप्पे 19 य खग्गि 20 थूमिदे 21 // परिणामियबुद्धीए, एवमाई उदाहरणा // 81 // सेत्तं अस्सुयणिम्सियं // से किं तं सुयणिस्सियं ? सुयणिस्सियं चउविहं पण्णत्तं, तंजहा-उग्गाहे 1, ईहा 2, अवाओ 3, धारणा 4 // 27 // से किं तं उग्गहे ? उग्गहे. दुविहे पण्णत्ते, तंजहा-अत्थुग्गहे य वंजणुग्गहे य // 28 // से किं तं वंजणुग्गहे ? वंजणुग्गहे चउविहे पण्णत्ते, तंजहा-सोइंदियवंजणुग्गहे, घाणिंदियवंजणुग्गहे, जिभिदियवंजणुग्गहे, फसिंदिय वंजणुग्गहे / सेत्तं वंजणुग्गहे // 29 // से किं तं अत्थुग्गहे ! अत्युग्गहे बिहे पण्णत्ते, तंजहा—सोइंदियअत्थुग्गहे, चक्खिदियअत्थुग्गहे, घाणिदियअत्थुग्गहे, जिभिदियअत्थुग्गहे, फासिंदियअथुग्गहे, णोइंदियअन्थुग्गहे // 30 // तस्स णं इमे एगट्ठिया णाणाघोसा णाणावंजणा पंच णामधिजा भवति, तंजहा-ओगेण्हणया, उवधारणया, सवणया, अवलंबणया, मेहा / सेत्तं उग्गहे // 31 // से किं तं ईहा! ईहा छव्विहा पण्णत्ता, तंजहा-सोइंदियईहा, चक्खिदियईहा, घाणिंदियईहा, जिभिंदियईहा, फासिंदियईहा, णोइंदियईहा। तीसे णं इमे एगट्ठिया णाणाघोसा णाणावंजणा पंच णामधिजा भवंति, तंजहा-आभोगणया, मग्गणया, गवेसणया, चिंता, वीमंसा / सेत्त ईहा // 32 // से किं तं अवाए ? अवाए छविहे पण्णत्ते, तंजहा-सोइंदियअवाए, चविखदियअवाए, घाणिदियअवाए, जिभि दयअंबाए, फासिंदियअवाए, णोइंदियअवाए / तस्स णं इमे एगट्टिया णाणाघोसा णाणावनणा पंच णामधिजा भवंति, तंजहा-आउट्टणया, पच्चाउट्टणया, अवाए, बुद्धी, विष्णाणे। सेत्तं अवाए // 33 // से किं तं धारणा ? धारणा छव्विहा पण्णत्ता, तंजहासोइंदियधारणा, चक्खिदियधारणा, घागिंदियधारणा, जिमि दयधारणा, फासिदियधारणा, णोइंदियधारणा / तीसे णं इमे एगट्ठिया णाणाघोसा गाणावंजणा पंच णामधिज्जा भवंति, तंजहा-धरणा, धारणा, टवणा, पट्ठा, कोटे / सेत्तं धारणा // 34 // उग्गहे इक्कसमइए, अंतोमुहुत्तिया ईहा, अंतोमुहुत्तिए अवाए, धारणा
