Anangpavittha Suttani Bio Suyakhandho

SR No.: 004389
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1984
Total Pages: 746
Language: Sanskrit
Classification: Book_Devnagari, agam_jambudwipapragnapti, agam_jambudwipapragnapti, agam_nirayavalika, agam_kalpavatansika, agam_pushpika, agam_pushpachulika, agam_vrushnidasha, & agam
File Size: 13 MB

Page 332

बिहक्कप्पसुत्तं उ० 1 923 वा णिग्गंथीण वा हेमंतगिम्हासु चारए // 37 // णो कप्पइ णिग्गंथाण वा णिग्गंथीण वा वेरजविरुद्धरज्जसि सज्जं गमणं सज्जं आगमणं सज्जं गमणागमणं करित्तए,जो खलु णिग्गंथो वा णिग्गंथी वा वेरजविरुद्धरज्जंसि सज्जं गमणं सज्ज आगमणं सज्ज गमणागमणं करेइ करेंतं वा साइजइ, से दुहओ वीइकममाणे आवजइ चाउम्मासियं परिहारट्ठाणं अणुग्घाइयं // 38 // णिग्गंथं चणं गाहावइकुलं पिण्डवायपडियाए अणुप्पविर्से केइ वत्थेण वा पडिग्गहेण वा कम्बलेण वा पायपुंछणेण वा उवणिमंतेजा, कप्पइ से सागारकडं गहाय आयरियपायमूले ठवेत्ता दोच्चं पि उग्गहं अणुण्णवेत्ता परिहारं परिहरित्तए // 39 // णिग्गंथं च णं बहिया वियारभूमिं वा विहारभूमिं वा णिक्खंतं समाणं केइ वत्थेण वा पडिग्गहेण वा कम्बलेण वा पायपुंटणेण वा वाणिमंतेजा, कप्पइ से सागारकडं गहाय आयरियपायमूले टवेत्ता दोच्चं पि उन्गहं अणुण्णवेत्ता परिहारं परिहरित्तए॥४०॥ णिग्गंथिं च णं गाहावइकुलं पिण्डवायपडियाए अणुप्प विटुं केइ वत्थेण वा पडिग्गहेण वा कम्बलेण वा पायपुंछणेण वा उवणिमंतेजा,कप्पइ से सागारकडं गहाय पवत्तिणीपायमूले ठवेत्ता दोच्चं पिं उग्गहं अणुण्णवेत्ता परिहारं परिहरित्तए // 41 // णिग्गंथिं च णं बहिया वियारभूमि वा विहारभूमि वा णिक्खंतं समाणिं केइ वत्थेण वा पडिग्गहेण वा कम्बलेण वा पायपुंछणेण वा उवणिमंतेजा, कप्पइ से सागारकडं गहाय पवत्तिणीपायमूले ठवेत्ता दोच्चं पि उग्गहं अणुष्णवेत्ता परिहारं . परिहरित्तए // 42 // णो कप्पइ णिग्गंथाण वा णिगंथीण वा राओ वा वियाले वा असणं वा 4 पडिगाहित्तए णण्णत्थ एगेणं पुव्वपडिलेहिएणं सेज्जासंथारएणं // 43 // णो कप्पइ णिग्गंथाण वा णिग्गंथीण वा रांओ वा वियाले वा वत्थं वा पडिग्गहं वा कम्बलं वा पायपुंछणं वा पडिगाहित्तए, णण्णत्थ एगाए हरियाहडियाए, सा वि य परिभुत्ता वा धोया वा रत्ता वा घट्ठा वा मट्ठा वा संपधूमिया वा // 44 // णो कम्पइ णिग्गंथाण वा णिग्गंथीण वा राओ बा वियाले वा अद्धाणगमणं एत्तए, ॥४५॥(णो कम्पइ णिग्गंथाण वा णिग्गंथीण वा) संखडि वा संखडिपडियाए एत्तए // 46 // णो कप्पइ णिग्गंथस्स एगाणियस्स राओ वा वियाले वा बहिया वियारभूमि वा विहारभूमि वा णिक्खमित्तए वा पविसित्तए वा, कप्पइ से अप्पबिइयरस वा * 'अप्पतइयंस्स वा राओ वा वियाले वा बहिया वियारभूमि वा विहारभूमि वा णिक्ख मित्तए वा पविसित्तए वा॥४७॥ णो कप्पइ णिग्गंथीए एगाणियाए राओ वा वियाले वा बहिया वियारभूमि वा विहारभूमि वा णिक्खमित्तए वा पविसित्तए वा, कप्पइ