________________ बिहक्कप्पसुत्तं पढमो उद्देसओ णो कप्पह णिगंथाण वा णिग्गंथीण वा आमे तालपलम्बे अमिण्णे पडिगाहितए // १॥कप्पह णिग्गंथाण वा णिग्गंथीण वा आमे तालपलम्बे भिण्णे पडिगाहित्तए // 2 // कप्पइ णिग्गंथाणं पक्के तालपलम्बे भिण्णे बा.अभिण्णे वा पडिगाहि. त्तए // 3 // णो कप्पद णिग्गंथीणं पक्के तालपलम्बे अभिण्णे पडिगाहित्तए // 4 // कप्पइ णिगंथीणं पक्के तालपलम्बे भिण्णे पडिगाहितए, से वि य विहिभिण्णे, गो चेव-णं अविहिभिण्णे // 5 // से गामंसि वा णगरंसि वा खेडंसि वा कब्बडंसि वा मडम्बंसि वा पट्टणंसि वा भागरंसि वा दोणमुहंसि वा णिगमंसि वा रायहाणिसि वा आसमंसि वा संणिवेसंसि वा सवाईसि वा घोससि वा अंसियंसि वा पुडभेयणंसि वा सपरिक्खेवंसि अबाहिरियसि कप्पइ णिगंथाणं हेमंतगिम्हासु एगं मासं वत्थए // 6 // से गामंसि वा जाव रायहाणिंसि वा सपरिक्खेवंसि सबाहिरियसि कप्पइ णिग्गंथाणं हेमंतगिम्हासु दो मासे वत्थए, अंतो एगं मासे बाहिं एगं मासं, अंतो बसमाणाणं अंतोभिक्खायरिया बाहिं वसमाणाणं बाहिं भिक्खायरिया // 7 // से गामंसि वा जाव रायहाणिंसि वा सपरिवखेवंसि अबाहिरियंसि कप्पइ णिग्गंथीणं हेमंतगिम्हासु दो. मासे वत्थए // 8 // से गामंसि वा जाव रायहाणिसि वा सप. रिक्खेवंसि सबाहिरियंसि कप्पइ णिग्गंथीणं हेमंतगिम्हासु चत्तारि मासे वत्थए, अंतो दो मासे, बाहिं दो मासे, अंतो वसमाणीणं अंतोभिक्खायरिया बाहिं वसमाणीण बाहिं भिक्खायरिया // 9 // से गामंसि वा नाव रायहाणिसि वा एगवगडाए एगदुवाराए एगणिक्खमणपवेसाए णो कप्पइ णिग्गंथाण य णिग्गंथीण य एगयओ वत्थए // 10 // से गामंसि वा जाव रायहाणिसि वा अभिणिव्वगडाए अभिणिदुवाराए अभिणिक्खमणपसाए कप्पइ णिग्गंथाण य णिग्गंथीण य एगयओ वत्थए // 11 // णो कप्पइ णिग्गंथीणं आवणगिहंसि वा रत्थामुहंसि वा सिंघा. डगंसि वा तियंसि वा चउक्कंसि वा चच्चरंसि वा अंतरावणंसि वा वत्थए // 12 // कप्पइ णिग्गंथाणं आवणगिहंसि वा जाव अंतरावणंसि वा वत्थए // 13 ॥णो कप्पड णिग्गंथीणं अवंगुयदुवारिए उवस्सए बत्थए, एगं पत्थारं अंतो किच्चा एगं पत्थारं बाहिं किच्चा ओहाडिय(चेल)चिलिमिलियागंसि एवं णं कप्पइ वत्थए // 14 //
