________________ ववहारो उ. 10 आहारेजा, एक्कारसीए कप्पइ चउदत्तीओ भोयणस्स जाव णो आहारेजा, बारसीए कप्पइ ति दत्तीओ भोयणस्स जाव णो आहारेजा, तेरसीए कप्पइ दो दत्तीओ भोयणस्स जाव णो आहारेजा, चउद्दसए कप्पइ एगा दत्ती भोयणस्स जाव णो आहारेजा, अमावासाए से य अभत्तढे भवइ, एवं खलु एसा जवमझण्णचंदपडिमा अहासुत्तं अहाकप्पं जाव अगुपालिया भवइ // 271 / / वइरमज्झण्णं चंदपडिमं पडिवण्णस्स अणगारस्स मासं वोसट्टकाए चियत्तदेहे जे केइ परिसहोक्सग्गा समुप्पज्जंति, तंजहा-दिव्वा वा माणुस्सगा वा तिरिक्त्रजोणिया वा अणुलोमा वा पडिलोमा वा, तत्थ अणुलोमा वा ताव वंदेजा वा णमसेजा वा सक्कारेजा वा सम्माणेजा वा कल्लाणं मंगलं देवयं चेइयं पज्जुवासेजा, तत्थ पडिलोमा वा अण्णयरेणं दंडेण वा अट्ठीण वा मुट्ठीण वा जोत्तेण वा वेत्तेण वा कसेण वा काए आउद्देजा, ते सव्वे उप्पण्णे सम्मं सहेजा खमेजा तिइक्खेजा अहियासेजा // 272 / / वइरमज्झण्णं चंदपडिमं पडिवण्णस्स अणगारस्स बहुलपवखस्स पाडिवए कप्पइ पण्णरस दत्तीओ भोयणस्स पडिगाहेत्तए पृण्णरस पाणगस्स सव्वेंहिं दुप्पयचउप्पयाइएहिं आहारवं खे हिं जाव णो आहारेजा, बिइयाए से कप्पइ चउद्दस दत्तीओ भोयणस्स पडिगाहेत्तए जाव णो आहारेजा, तइयाए कप्पइ तेरस दत्तीओ भोयणस्स जाव णो आहारेजा, चउत्थीए कप्पइ बारस दत्तीओ भोयणस्स जाव णो आहारेजा, पंचम ए कप्पइ एगारस दत्तीओ भोयणस्स जाव णो आहारेजा, उट्ठीए कप्पइ दस दत्तीओ भोयणरस जाव णो आहारेजा, सत्तमीए कप्पइ णव दत्तीओ भोयणस्स जाव णो आहारेजा, अट्ठमीए कप्पइ अट्ट दत्तीओ भोयणस्स जाव णो आहारेजा, पदमीए कप्पइ सत्त दत्तीओ भोयणस्स जाव णो आहारेजा, दसमीए कप्पइ छ दत्तीओ भोयणस्स जाव णो आहारेजा, एगारसीए कप्पइ पंच दत्तीओ भोयणस्स जाव णो आहारेजा, बारसीए कप्पह चउदत्तीओ भोयणस्स जाव णो आहारेजा, तेरसीए कप्पइ तिष्णि दत्तीओ भोयणस्स जाव. णो आहारेजा, चउदसीए कप्पइ दो दत्तीओ भोयणस्स जाव णो आहारेजा, अमावासाए कप्पइ एगा दत्ती भोयणस्स पडिगाहेत्तए जाव णो आहारेजा, सुक्लपक्खस्स पाडिवए से कप्पइ दो दत्तीओ भोयणस्स जाव णो आहा'रेजा, विइयाए से कप्पइ तिण्णि दत्तीओ भोयणस्स जाव णो आहारेजा तइयाए से कप्पइ चउदत्तीओ भोयणस्स जाव णो आहारेजा, चउत्थीए से कप्पइ पंचदतीओ भोयणस्स जाव णो आहारेजा, पंचमीए कप्पइ छ दत्तीओ भोयणस्स जाव णो
