________________ ववहारो उ. 3 865 नवडहरतरुणस्स आयरियउवज्झाए वी(सु)संभेजा,णो से कम्पइ अणाय रियउवज्झायस्स होत्तए,कप्पइ से पुव्वं आयरियं उद्दिसावेत्ता तओ पच्छा उवज्झायं,से किमाहु भंते ? दुसंगहिए समणे णिग्गंथे, तंजहा-आयरिएणं उवज्झाएण य // 80 // णिग्गंथीए णं नवडहरतरुणीए आयरियउवज्झाए प(वि)वत्तिणी य बीसंभेजा,णो से कप्पइ अणायरिय उपज्झाइयाए अप वत्तिणीए होत्तए, कप्पइ से पुव्वं आयरियं उद्दिसावेत्ता तओ उवज्झायं तओ पच्छा पवत्तिणिं, से किमाहु भंते ! तिसंगहिया समणी णिग्गंथी, तंजहा-आयरिएणं उवज्झाएणं पवत्तिणीए य।८। भिक्खू य गणाओ अवक्कम्म मेहुणधम्मं पंडिसेवेजा, तिण्डिा संवच्छराणि तस्स तप्पत्तियं णो कप्पइ आयरियत्तं बा जाव गणावच्छेइयत्तं वा उद्दिसित्तए वा धारेत्तए वा,तिहिं संवच्छरेहिं वीइककंतेहिं चउत्थगंसि संवच्छरंसि पट्टियंसि ठियस्स उवसंतस्स उवरयस्स पडिविरयस्स णिव्विकारस्स एवं से जाव कप्पह आयरियत्तं वा गणावच्छेइयत्तं वा उद्दिसित्तए वा धारेत्तए वा।८२। गणावच्छेइए गणावच्छेइयत्तं अणिक्खिवित्ता मेहुणधम्म पडिसेवेजा, जावज्जीवाए तस्स तप्पत्तियं णो कप्पइ आयरियत्तं वा जाव गणावच्छेइयत्तं वा उद्दिसित्तए वा धारेत्तए वा // 83 // गणावच्छेइए गणावच्छेइयत्तं णिक्खिवित्ता मेहुणधम्म पडिसेवेजा, तिणि संवच्छराणि तस्स तप्पत्तियं णो कप्पइ आयरियत्तं वा नाव गणावच्छेइयत्तं वा उद्दिसित्तए वा धारेत्तए वा,तिहिं संवच्छेरोहिं वीइक्कंतहिं चउत्थगंसि संवच्छरंसि पट्ठियंसि ठियस्स उसंतस्स उवरयस्स पडिविरयस्स णिव्विकारस्स एवं से कप्पड़ आयरियत्तं वा जाव गणावच्छेइयत्तं वा उद्दिसित्तए वा धारेत्तए वा // 84 // आयरियउवज्झाए आयरियउवज्झायत्त अणिक्खिवित्ता मेहुणधम्म पडिसेवेजा, जावज्जीवाए तस्स तप्पत्तिय णो कप्पइ आयरियत्तं वा जाव गणावच्छेइयत्तं वा उद्दि सित्तए वा धारेत्तए वा // 85 // आयरियउवज्झाए आयरियउवज्झायत्तं णिविखवित्ता मेहुणधम्मं पडिसेवेजा, तिण्णि संवच्छराणि तस्स तप्पत्तियं णो कप्पइ आयरियत्तं वा जाव गणावच्छेइयत्तं वा उद्दिसित्तए वा धारेत्तए वा,तिहिं संवच्छरोह वीइवकंतेहिं चउत्थगंसि संवच्छरंसि पट्ठियसि ठियस्स उवसंतस्स उवरयस्स पडिविरयस्स णिव्विकारस्स एवं से कप्पइ आयरियत्तं वा जाव गणावच्छेइयत्तं वा उद्दिसित्तए वा धारेत्तए वा // 86 // भिक्खू य गणाओ अबकम्म ओहायइ, तिण्णि संवच्छराणि तस्त तप्पत्तियं णो कप्यइ आयरियत्तं वा जाव गणावच्छेइयत्तं वा उद्दिसित्तए वा धारेत्तए वा, तिहि संवच्छरेहि वीइकंतहि च उत्थगंति संवच्छरंसि पट्टियंसि ठियस्स उवसंतस्स
