________________ ववहारो उ. 3 863 संभुजं.ते // 66 // परिहारकप्पट्ठियस्स भिक्खुस्स णो कप्पइ असणं वा पाणं वा खाइमं वा साइमं वा दाउं वा अणुप्पदाउं वा, थेरा य णं वएजा-इमं ता अज्जो! तुम एएसिं देहि वा अणुप्पएहि वा, एवं से कप्पइ दाउं वा अणुप्पदाउं वा, कप्पइ से लेवं अणुजाणावेत्तए, अणुजाणह तं लेवाए ? एवं से कप्पइ लेवं समासेवित्तए॥६७॥ परिहारकम्पट्टिए भिक्खू सएणं पडिग्गहेणं बहिया अप्पणो वेयावडियाए गच्छेजा, थेरा य णं वएजा-पडिग्गाहे(हि) अज्जो ! अहं पि भोक्खामि वा पाहामि वा, एवं से कप्पइ पडिग्गाहेत्तए, तत्थ णो कप्पइ अपरिहारिएणं परिहारियस्स पडिग्गहंसि असणं वा पाणं वा खाइम वा साइमं वा भोत्तए वा पायए वा, कप्पइ से सयंसि वा पडिग्गहंसि वा सयंसि वा पलासगंसि वा सयंसि वा कमढगंसि वा सयंसि वा खुव्वगंसि वा पाणिसि वा उद्धट्ट 2 भोत्तए वा पायए वा, एस कप्पो अपरिहारियस्स परिहारियाओ // 68 // परिहारकप्पट्टिए भिक्खू थेराणं पडिग्गहएणं बहिया थेराणं वेयावडियाए गच्छेजा, थेरा य णं वएजा-पडिग्गाहे अज्जो ! तुमं पि पच्छा भोक्खसि वा पाहिसिं वा, एवं से कप्पइ पडिग्गाहित्तए, तत्थ णो कप्पइ परिहारिएणं अपरिहारियस्स पडिग्गहंसि असणं वा पाणं बा खाइमं वा साइमं वा भोत्तए वा पायए वा, कप्पइ से सयंसि वा पडिग्गहंसि वा, सयंसि पलासगंसि वा, सयंसि. कमढगंसि वा, संयंसि वा खुव्वगंसि वा, पाणिंसि वा उद्धट्ट उद्धट्ट भोत्तए वा पायए वा, एस(लेस)कप्पो परिहारियस्स अपरिहारियाओ // 69 // त्ति-बेमि // ववहारस्स बिइओ उद्देसओ समत्तो // 2 // __ ववहारस्स तइओ उद्देसओ ___मिक्खू य इच्छेजा गणं धारेत्तए, भगवं च से अपलिच्छ(पणे)ए, एवं णो से कप्पइ गणं धारेत्तए, भगवं च से पलिच्छण्णे, एवं से कप्पइ गणं धारेत्तए // 70 // भिक्खू य इच्छेजा गणं धारेत्तए,णो से कप्पइ थेरे अणापुच्छित्तागणं धारेत्तए,कप्पइ से थेरे आपुच्छित्ता गणं धारेत्तए,थेरा य से वियरेज्जा, एवं से कप्पइ गणं धारेत्तए थेरा य से णो वियरेजा, एवं से णो कप्पइ गणं धारेत्तए, जण्णं थेरेहिं अविइण्णं गणं धारेजा, से संतरा छेओ वा परिहारो वा [साहम्मिया उडाए विहरंति णत्थि णं तेसिं केइ छेओ वा परिहारो वा] // 71 // तिवासपरियाए समणे णिग्गंथे आयारकुसले संजमकुसले पवयणकुसले पण्णत्तिकुसले संगहकुसले उवग्गहकुसले अक्खया
