________________ 860 अनंगपविट्ठसुत्ताणि . अकरणयाए अब्भुटेजा अहारिहं तवोकम्मं पायच्छित्तं पडिवज्जेजा // 34 // णो चेव अप्पणो आयरियउवज्झाए पासेजा, जत्थेव संभोइयं साहम्मियं पासेजा बहुस्सुयं बब्भागमं तस्संतियं आलोएज्जा जाव पडिवज्जेज्जा // 35 // णो चेव णं संभोइयं साहम्मियं पासेजा वहस्सुयं बब्भागमं जत्थेव अण्णसंभोइयं साहम्मियं पासेजा बहुस्तुयं बन्भागमं, तस्संतियं आलोएजा जाव पडिवज्जेजा // 36 // णो चेव णं अण्णसंभोइयं पासेजा बहुस्सुयं बब्भागमं नत्थेव सारूवियं पासेजा बहुस्सुयं बभागम, तस्संतियं आलोए जा जाब पडिवज्जेजा // 37-1 // णो चेव ण सारूवियं पासेज्जा बहुस्सुयं बब्भागम, जत्थेव समगोवासगं पच्छाकडं पासेजा बहस्सुयं बब्भागमं, कप्पइ से तस्संतिए आलोएत्तए वा पडिक्कमेत्तए वा जाव पायच्छित्तं पडिवज्जेत्तए वा // 37-2 / / णो चेव णं समणोवासगं पच्छाकडं पासेजा बहुस्सुयं बब्भागम, जत्थेव समभावियाई चेइयाइं पासेजा, कप्पइ से तस्संतिए आलोएत्तए वा पडिकमेत्तए वा जाव पायच्छित्तं पडिवज्जेत्तए वा // 38 // णो चेव समभावियाई चेइयाई पासेजा, बहिया गामस्स वा णगरस्स वा णिगमस्स वा रायहाणीए वा खेडस्स वा कब्बडस्स वा मडंबस्स वा पट्टणस्स वा दोणमुहस्स वा आसमस्स वा संवाहस्स वा संणिवेसस्स वा पाईणाभिमुहे वा उदीणाभिमुहे वा करयलपरिग्गहियं सिरसावत्तं मत्थए अंजलिं कट्ट एवं वएजा-एवइया मे अवराहा, एवइक्खुत्तो अहं अवरो। अरहंताणं सिद्धाणं अंतिए आलोएजा जाव पडिवज्जेजासि // 39|| त्ति-बेमि // ववहारस्स पढमो उद्देसओ समत्तो // 1 // . ववहारस्स बिइओ उद्देसओ दो साहम्मिया एगयओ विहरंति, एगे तत्थ अण्णयरं अकिच्चट्ठाणं पडिसेवेत्ता आलोएजा, ठवणिज्जं ठवइत्ता करणिज्जं वेयावडियं // 40 // दो साहम्मिया एगयओ विहरंति, दो वि ते अण्णयरं अकिच्चट्ठाणं पडिसेवेत्ता आलोएजा, एगं तत्थ कप्पागं ठवइत्ता एगे णिव्विसेजा, अह पच्छा से वि णिव्विसेजा // 41 / / बहवे साहम्मिया एगयओ विहरंति, एगे तत्थ अण्णयरं अकिच्चट्ठाणं पडिसेवेत्ता आलोएजा, ठवणिज्ज ठवइत्ता करणिज्जं वेयावडियं॥४२॥बहवे साहम्मिया एगयओ विहरंति, सव्वे वि ते अण्णयरं अकिच्चट्ठाणं पडिसेवेत्ता आलोएजा, एगं तत्थ कप्पागं ठवइत्ता अवसेसा णिव्विसेजा, अह पच्छा से वि णिव्विसेजा / / 43 // परिहार
