________________ 872 अनंगपविट्ठसुत्तागि एहि कूरं मग्गमाणेहिं पाणियं मग्गमाणेहिं हसमाणेहिं रूसमाणेहिं अवकोसमाणेहि अक्कुस्तमाणेहिं हणमाणेहिं विप्पलायमाणेहिं अणुगम्ममाणेहिं रोषमाणेहिं कंदमाणेहिं विलबमाणेहिं कूवमाणेहिं उक्कूवमाणेहिं गिद्दायमाणेहिं पलंबमाणेहिं दहमाणेहि दंसमाणेहिं वममाणेहिं छेरमाणेहिं मुत्तमाणेहिं मुत्तपुरीसवमियमुलित्तोवलित्ता मइलवसणपुच्चडा जाव असुइबीभच्छा परमदुग्गंधा णो संचाएइ रट्टकूडेणं सद्धिं विउलाई भोगभोगाइं भुंजमाणी विहरित्तए // 132 // तए णं तीसे सोमाए माहणीए अण्णया कयाइ पुन्वरत्तावरत्तकालसमयंसि कुडुम्बजागरियं जागरमाणीए अयमेयारूवे जाव समुप्पज्जित्था एवं खलु अहं इमेहिं बहूहिं दारगेहि य जाव डिम्भियाहि य अप्पेगइएहिं उत्ताणसेजएहि य जाव अप्पेगइएहिं मुत्तमाणेहिं दुजाएहिं दुजम्मएहिं हयविप्पहयभग्गेहिं एगप्पहारपडिएहिं जेणं मुत्तपुरीसवमियसुलित्तोवलित्ता जाव परमदुन्भिगंधा णो संचाएमि रटकूडेणं सद्धिं जाव भुंजमाणी विहरित्तए, तं धण्णाओ णं ताओ अम्मयाओ जाव जीवियफले जाओ णं वंझाओ अवियाउरीओ जाणुकोप्परमायाओ सुरमिसुगंधगंधियाओ विउलाई माणुस्सगाई भोगभोगाई भुंजमाणीओ विहरंति, अहं णं अधण्णा अपुण्णा अकयपुण्णा णो संचाएमि रट्टकूडेणं सद्धिं विउ. लाइं जाव विहरित्तए // 133 // तेणं कालेणं तेणं समएणं सुब्वयाओ णाम अजाओ इरियासमियाओ जाव बहुपरिवाराओ पुव्वाणुपुट्विं"जेणेव विभेले संणिवेसे'' अहापडिरूवं उग्गरं जाव विहरति / तए णं तासिं सुव्वयाणं अजाणं एगे संघाडए विभेले संणिवेसे उच्चणीय० जाव अडमाणे रडकूडस्स गिहं अणुपविढे / तए णं सा सोमा माहणी ताओ अजाओ एजमाणीओ पासइ 2 त्ता हट्ट खिप्पामेव आसणाओ अन्भुट्टेइ 2 त्ता सत्तट्ठपयाइं अणुगच्छइ 2 त्ता वंदइ णमंसह वं० २.त्ता विउलेणं असण 4 पडिलाभेइ 2 त्ता एवं वयासी-एवं खलु अहं अजाओ ! रडकूडेणं सद्धिं विठलाई जाव संवच्छरे 2 जुगलं पयामि, सोलसहि संवच्छरेहिं बत्तीसं दारगरूवे ' पयाया, तए णं अहं तेहिं बहूहिं दारएहि य जाप डिम्भियाहि य अप्पेगइएहिं उत्ताणसेजएहिं जाव मुत्तमाणहिं दुजाएहिं जाव णो संचाएमि"विहरित्तए, तं इच्छामि गं अहं अजाओ! तुम्हं अंतिए धम्म णिसामेत्तए / तए णं ताओ अजाओ - सोमाए माहणीए विचित्तं जाव केवलिपण्णत्तं धम्मं परिकहेंति // 134 // तए णं सा सोमा माहणी तासिं अजाण अंतिए धम्मं सोचा णिसम्म हट्ट जाव हियया "ताओ अजाओ वंदइ णमंसह वं० 2 त्ता एवं वयासी-सदहामि णं अजाओ!
