________________ सूरियपण्णत्ती णमो अरिहंताणं णमो सिद्धाणं णमो आयरियाणं णमो उवज्झायाणं णमो लोए सव्वसाहूणं / तेणं कालेणं तेणं समएणं मिहिला णामं णयरी होत्था रिद्धस्थिमियसमिद्धा पमुइयजणजाणवया जाव पासादीया 4 // तीसे णं मिहिलाए णयरीए बहिया उत्तरपुरस्थिमे दिसीभाए माणिभद्दे णामं चेइए होत्था वण्णओ। तीसे णं मिहिलाए णयरीए जियसत्तू णामं राया होत्था वण्णओ। तस्स ण जियसन्तुस्स रण्णो धारिणी णामं देवी होत्था वण्णओ / तेणं कालेणं तेणं समएणं तम्मि माणिभद्दे चेइए सामी समोसढे, परिसा णिग्गया, धम्मो कहिओ, परिसा पडिगया जाव राया जामेव दिसिं पाउन्भूए तामेव दिसिं पडिगए // 1 // तेणं कालेणं तेणं समएणं समणस्स भगवओ महावीरस्स जेट्टे अंतेवासी इंदभूई णाम अणगारे गोयमे गोत्तेणं सत्तुस्सेहे समचउरंससंठाणसंठिए वजरिसहणारायसंघयणे जाव एवं वयासी-कइ मंडलाइ बच्चइ 1, तिरिच्छा किं च गच्छह 2 / ओभासइ केवइयं 3, सेयाई किं ते संठिई 4 // 1 // कहिं पडिहया लेसा 5, कहिं ते ओयसंठिई 6 / के सूरियं वरयए 7, कहं ते उदयसंठिई 8 ॥सी कहं कट्ठा पोरिसिच्छाया 9, जोगे किं ते व आहिए 10 / किं ते संवच्छराणाई 11, कइ संवृच्छराइ य 12 // 3 // कहं चंदमसो वुट्टी 13, कया ते दोसिणा बहू 14 / केइ सिग्घगई वुत्ते 15, कहं दोसिणलक्खणं 15 // 4 // चयणोववाय 17 उच्चत्ते 18, सूरिया कइ आहिया 19 / अणुभावे के व संवुत्ते 20, एवमेयाई वीसई // 5 // 2 / / वड्डोवड्डी मुहत्ताणं 1, अद्धमंडलसंठिई 2 / के ते चिण्णं परियरइ 3, अंतरं किं चरंति य 4 // 6 // उग्गाहइ केवयं 5, केवइयं च विकंपइ 6 / मंडलाण य संठाणे 7, विक्खंभो 8 अट्ठ पाहुडा // 7 // छप्पं च य सत्तेव य अट्ट तिण्णि य हवंति पडिवत्ती। पढमस्स पाहुडस्स हवंति एयाउ पडिवत्ती . . // 8 // 3 // पडिवत्तीओ उदए, तहा अत्थमणेसु य / भियवाए कण्णकला, मुहुत्ताण गईइ य ||9| णिस्खममाणे सिग्धगई, पविसंते मंदगईइ य। चुलसीइसयं पुरिसाणं, तेसिं च पडिवत्तींओ // 10 // उदयम्मि अट्ठ भणिया भेयग्घाए दुवे य पडिवत्ती / चत्तारि मुहुत्तगईए हुंति तइयम्मि पडिवत्ती // 11 // 4 // आवलिय 1 मुहुत्तग्गे 2,
