________________ 810 अनंगपविद्वसुत्ताणि स्स आई से णं पंचमस्स अभिवड्डियसंवच्छरस्स पज्जवसाणे अणंतरपच्छाकडे समए, तं समयं च णं चंदे केणं णक्खत्तेणं जोएइ ? ता उत्तराहिं आसांढाहि, उत्तराणं,० चरमसमए, तं समयं च णं सूरे केणं णवत्तेणं जोएइ ? ता पुस्सेणं, पुस्सस्स णे एकवीसं मुहुत्ता तेयालीसं च बावट्ठिभागे मुहुत्तस्स बावट्ठिभागं च सत्तट्टिहा छेत्ता तेत्तीसं चुण्णियाभागा सेसा // 69 // एक्कारसमं पाहुडं समत्तं // 11 // बारसमं पाहुडं ता कहं णं संवच्छरा आहिताति वएजा ? तत्थ खलु इमे पंच संवच्छरा पण्णत्ता, तंजहा-णक्खत्ते चंदे उडू आइच्चे अभिवहिए, ता एएसि णं पंचण्हं संवच्छराणं पढमस्स णक्खत्तसंवच्छरस्स णक्खत्तमासे तीसइमुहत्तेणं अहोरत्तेणं गणिजमाणे केवइए राइंदियग्गेणं आहिएति वएजा ? ता सत्तावीसं राइंदियाइं एकवीसं च सत्तट्ठिभागा राइंदियस्स राइंदियन्गेणं आहिएति वएजा, ता से णं केवइए मुहुत्तग्गेणं आहिएति वएज्जा ? ता अट्ठसए एगूणवीसे मुहुत्ताणं सत्तावीसं सत्तट्ठिभागे मुहुत्तस्स मुहुत्तग्गेणं आहिएति वए जा, ता एस णं अद्धा दुवालसखुत्तकडा णखत्ते संवच्छरे, ता से णं केवइए राइंदियग्गेणं आहिएति वएजा ? ता तिण्णि सत्तावीसे राइं दियसए एक्कावण्णं च सत्तद्विभागे. राइंदियस्स राइंदियन्गेणं आहिएति वएज्जा, ता से णं केवइए मुहुत्तग्गेणं आहिएति वएजा ? ता णव मुहुत्तसहस्सा अट्ठ य बत्तीसे मुहत्तसए छप्पण्णं च सत्तट्ठिभागे मुहुत्तस्स मुहुत्तग्गेणं आहिएति वएजा / ता एएसि णं पंचण्डं संबच्छराणं दोच्चस्स चंदसंबच्छरस्स चंदे मासे तीसइमुहत्तेणं अहोरत्तेणं गणिजमाणे केवइए राइंदियग्गेणं आहिएति वएजा ? ता एगूणतीसं राइंदियाई बत्तीसं बावट्ठिभागा राइंदियस्स राइंदियग्गेणं आहिएति वएजा, ता से णं केवइएं मुहुत्तग्गेणं आहिएति वएजा ? ता अट्ठपंचासए मुहुत्ते तेत्तीसं च छावट्ठिभागे मुहुत्तग्गेणं आहिएति वएजा,ता एस णं अद्धा दुवालसक्खुत्तकडा चंदे संवच्छरे,ता से णं केवइए राइंदियग्गेणं आहिएति वएजा ? ता तिण्णि चउप्पण्णे राइंदियसए दुवालस य बावट्ठिभागा राइंदियग्गेणं आहिएति वएजा,ता से णं केवइए मुहुत्तग्गेणं आहिएति वएजा ? ता दस मुहुत्तसहस्साई छच्च पणवीसे मुहुत्तसए पण्णासं च बावट्ठिभागे मुहुत्तग्गेणं आहिएति वएजा। ता एएसि णं पंचण्हं संवच्छराणं तच्चस्स उडुसंवच्छरस्स उड्डुमासे तीसइमुहुत्तेणं. गणिजमाणे केवइए राइंदियन्गेणं आहिएति वएजा ? ता तीसं राइंदियाणं राइंदियग्गेणं आहिएति वएजा,ता से णं केवइए मुहुत्तग्गेणं आहि
