________________ - चंदपण्णत्ती पा. 10 पा. 22 801 तंजहा-अस्सेसा महा पुवाफग्गुणी उत्तराफरगुणी हत्थो चित्ता साई, विसाहाइया पां सत्त णक्खत्ता पच्छिमदारिया पण्णत्ता, तं०-विसाहा अणुराहा जेट्ठा मूलो पुव्वासाढा उत्तरासाहा अभिई, सवणाइया णं सत्त णक्खत्ता उत्तरदारिया पण्णत्ता, तं०-सवणो धणिट्ठा सयभिसया पुव्वापोट्टवया उत्तरापोट्ठवया रेवई अस्सिणी, एए एवमाहंसु, वयं पुण एवं वयामो-ता अभिईआइया णं सत्त णवखत्ता पुव्वदारिया प०, तंजहा-अभिई सवणो धणिट्ठा सयभिसया पुव्वापोट्टवया उत्तरापोट्टवया रेवई, अस्सिणीआइया णं सत्त णक्खत्ता दाहिणदारिया पण्णत्ता, तं०-अस्सिणी भरणी कत्तिया रोहिणी संठाणा अद्दा पुणव्वसू, पुस्साइया णं सत्त णक्खत्ता पच्छिमदारिया पण्णत्ता, तं०-पुस्सो अस्सेसा महा पुव्वाफगुणी उत्तराफरगुणी हत्थो चित्ता, माईआइया णं सत्त णक्खत्ता उत्तरदारिया पण्णत्ता, तंc-साई विसाहा अणुराहा जेट्ठा मूले पुव्वासाढा उत्तरासाढा // 57 / / दसमस्स पाहुडस्स एक्कवीसइमं पाहुडपाहुड समत्तं / / 10-21 // . ता कहं ते णक्खत्तविजए. आहिएति वएजा ? ता अयण्णं जंबुद्दीवे 2 जाव परिक्खेवणं०, ता जंबुद्दीवे णं दीवे दो चंदा पभासेंसु वा पभाति वा पभासिस्संति वा, दो सूरिया तविंसु वा तवेंति वा तविस्संति वा, छप्पणं णक्खत्ता जोयं जोएंसु वा 3, तंजहा-द्रो अभीई दो सवणा दो धणिट्ठा दो सयभिसया दो पुव्वापोट्टवया दो उत्तरापोट्टवया दो रेवई दो अस्सिणी दो भरणी दो कत्तिया दो रोहिणी दो संठाणा दो अद्दा दो पुणव्वसू दो पुस्सा दो अस्सेसाओ दो महा दो पुव्वाफग्गुणी दो उत्तराफग्गुणी दो हत्था दो चित्ता दो साई दो विसाहा दो अणुराहा दो जेट्ठा दो मूला दो पुव्वासाढा दो उत्तरासाढा, ता एएसि णं छप्पण्णाए णक्खत्ताणं अत्थि णक्वत्ता जे णं णव मुहुत्ते सत्तावीसं च सत्तट्ठिभागे मुहुत्तस्स चंदेण सद्धिं जोयं जोएंति, अस्थि णखत्ता जे णं पण्णरस मुहुत्ते चंदेण सद्धिं जोयं जोएंति, अस्थि णक्खत्ता जे णं तीसमुहत्ते चंदेण सद्धिं जोयं जोएंति, अत्थि णक्खत्ता जे णं पणयालीसं मुहुत्ते चंदेण सद्धिं जोयं जोएंति, ता एएसि णं छप्पपणाए णक्खत्ताणं कयरे णक्खत्ता जे णं णव मुहुत्ते सत्तार्वसं च सत्तट्ठिभागे मुहुत्तस्स चंदेण सद्धिं जोयं जोएंति, कयरे णक्खत्ता जे णं पण्णरसमुहुत्ते चंदेण सद्धिं जोयं जोएंति, कयरे णक्खत्ता जे णं तीसं मुहुत्ते चंदेण सद्धिं जोयं जोएंति, कयरे णवत्ता जे णं पणयालीसं मुहत्ते चंदेण सद्धिं जोयं जोएंति ? ता एएसिणं
