________________ 762 अनंगपविट्ठसुत्ताणि तया णं आसाढी अमावासा भवइ, जया णं आसाढी पुण्णिमा भवइ तया णं पोसी अमावासा भवइ // 38 // दसमस्स पाहुडस्स सत्तमं पाहुडपाहुडं समत्तं // 10-7 // ता कहं ते णक्खत्तसंठिई आहितेति वएजा ? ता एएसि णं अट्ठावीसाए णक्खत्ताणं अभीईणक्खत्ते किंसंठिए पण्णत्ते ? ता गोसीसावलिसंठिए पण्णत्ते, ता सवणे णक्खत्ते किंसंठिए पण्णत्ते ? ता काहारसंठिए प०, धणिट्ठाणक्खत्ते सउणिपलीणगसंठिए, सयभिसयाणक्खत्ते पुष्फोवयारसंठिए, पुव्वापोट्टवयाणव खत्ते अबढवाविसंठिए, एवं उत्तरावि, रेवईणक्खत्ते णावासंठिए, अस्सिणीणक्खत्ते आसक्खंधसंठिए, भरणीणक्खत्त भगसंठिए, कत्तिथाणक्खत्ते छुरघरगसंठिए, रोहिणीणक्खत्ते सगडुद्धिसंठिए, मिगसिराणक्खत्ते मिगसीसावलिसंठिए, अद्दाणक्खत्ते रहिरबिंदुसंठिए, पुणव्वसूणक्खत्ते तुलासंठिए, पुप्फे णक्खत्ते वद्धमाणसंठिए, अस्सेसाणक्खत्ते पडागसंठिए, महाणक्खत्ते पागारसंठिए, पुवाफग्गुणीणक्खत्ते अद्धपलियंकसटिए, एवं उत्तरावि, हत्थे णक्खत्ते हत्थसंठिए, चित्ताणक्खत्ते मुहफुल्लसंठिए, साईणक्खत्ते खीलगसंठिए, विसाहाणक्खत्ते दामणिसंठिए, अणुराहाणक्खत्ते एगावलिसंठिए, जेट्ठाणक्खत्ते गयदंतसंठिए, मूले णक्खत्ते विच्छुयलंगोलसंठिए, पुव्वासाढाणक्खत्ते गयविक्कमसंठिए, उत्तरासाटाणक्खत्ते साइयसंठिए प० // 39 // दसमस्स पाहुडस्स अट्ठमं पाहुडपाहु समत्तं // 10.8 // ता कहं ते तारग्गे आहिएति वएजा ? ता एएसि णं अट्ठावीसाए णक्खत्ताणं अभीईणक्खत्ते कइतारे प० ? ता तितारे पण्णत्ते, सवणे णक्खत्ते तितारे धणिट्ठाणक्खत्ते पणतारे, सयभिसयाणक्खत्ते सयतारे पुव्वापोडवयाणक्खत्ते दुतारे, एवं उत्तरावि, रेवई० बत्तीसइतारे, अस्सिणीणक्खत्ते तितारे, भरणी तितारे, कत्तिया छत्तारे, रोहिणी पंचतारे, मिगसिरे तितारे, अद्दा एगतारे, पुणव्वसू पंचतारे, पुस्से तितारे, अस्सेसा छत्तारे, महा सत्ततारे, पुव्वाफग्गुणी दुतारे, एवं उत्तरावि, हत्थे पंचतारे, चित्ता एगतारे, साई एगतारे, विसाहा पंचतारे, अणुराहा चउतारे, जेट्ठा तितारे, मूले एगतारे, पुव्वासाढा चउतारे, उत्तरासाढा चउतारे // 40 // दसमस्स .पाहुडस्स णवमं पाहुडपाहुडं समत्तं // 10-6 /
