________________ चंदपण्णत्ती पा. 10 पा. 4 787 अहोरत्ते तिपिण य मुहत्ते सूरेण सद्धिं जोयं जोएंति ते णं छ, तंजहा-उत्तराभद्दवया रोहिणी पुणव्वसू उत्तराफरगुणी विसाहा उत्तरासाढा // 32 // दसमस्स ‘पाहुउस्स बिइयं पाहुडपाहुडं समत्तं // 10-2 / / ___ता कहं ते एवंभागा आहिताति वएज्जा 1 ता एएसि णं अट्ठावीसाए णक्खत्ताणं अस्थि णक्वत्ता पुन्वंभागा समक्खेत्ता तीसइमुहुत्ता प०, अत्थि णक्खत्ता पच्छंभागा समक्खेत्ता तीसइमुहुत्ता प०, अत्थि णक्खत्ता णत्तंभागा अवड्डक्खेत्ता पण्णरसमुहुत्ता प०,अस्थि णक्खत्ता उभयंभागा दिवढक्खेत्ता पणयालीसं मुहुत्ता प०,ता एएसि णं अट्ठावीसाए णक्खत्ताणं कयरे णखत्ता० पुत्वंभागा समक्खेत्ता त समुहुत्ता प० जाव कयरे णक्खत्ता० उभयंभागा दिववृक्खेत्ता पणयालीसइमुहुत्ता प०१ ता एए सिणं भट्ठावीसाए णक्खत्ताणं तत्थ जे ते णक्खत्ता पुव्वंभागा समक्खेत्ता तसइमहुत्ता प० ते णं छ, तंजहा-पुव्वापोट्टवया कत्तिया महा पुव्वाफग्गुणी मूलो पुव्वासादा, तत्थ जे ते णक्खत्ता० पच्छंभागा समक्खेत्ता तीसइमुहुत्ता प० ते णं दस, तंजहाअभिई सवणो धणिवा रेवई अस्सिणी मिगसिरं पूसो हत्थो चित्ता अणुराहा, तत्थ जे ते णक्खत्ता० गत्तंभागा अवक्खेत्ता पण्णरसमुहुत्ता प० ते णं छ, तंजहासयभिसया भरणी अद्दा अस्सेसा साई जेट्ठा, तत्थ जे ते णवत्ता० उभयंभागा दिवडक्खेत्ता पणयालीसं मुहुत्ता प० ते णं छ, तंजहा-उत्तरापोहवया रोहिणी पुणव्वसू उत्तराफग्गुणी विसाहा उत्तरासाढा // 33 // दसमरस पाहुडस्स तइयं पाहुडपाहुडं समत्तं // 10-3 // ता कहं ते जोगस्स आई आहितांति वएजा ? ता अभीईसवणा खलु दुवे णक्खत्ता पच्छाभागा समक्खेत्ता साइरेगऊयालीसइमुहुत्ता तप्पढमयाए सायं चंदेण सद्धिं जोयं जोएंति, तओ पच्छा अवरं साइरेयं दिवसं, एवं खलु अभिईसवणा दुवे गदखत्ता एगराइं एगं च साइरेगं दिवसं चंदेण सद्धिं जोयं जोएंति जोयं जोएत्ता जोयं अणुपरियटृति जोयं अणुपरियट्टित्ता सायं चंदं धणिहाणं समप्पेति, ता धणिट्ठा खलु णखत्ते पच्छंभागे समक्खेत्ते तीसइमुहुत्ते तप्पढमयाए सायं चंदेण सद्धिं जोयं जोएइ 2 त्ता तओ पन्छा राई अवरं च दिवसं, एवं खलु धणिट्ठा णक्खत्ते एगंच राइं एगं च दिवसं चंदेण सद्धिं जोयं जोएइ जोएत्ता जोयं अणुपरियट्टइ जोयं अणुपरियट्टित्ता सायं चंदं सयभिसयाणं समप्पेइ, ता सयभिसया खलु णक्खत्ते णत्तंभागे अवडक्खेत्ते पण्णरसमुहुत्ते तप्पढमयाए सायं चंदेण सद्धिं जोयं जोएइ णो लभइ
