________________ 778 अनंगपविट्ठसुत्ताणि मंडलं उवसंकमित्ता चारं चरइ तया णं दोहिं राइदिएहिं दो भाए ओयाए रयणिखेत्तस्स णिबुड्ढेत्ता दिवसखेत्तस्स अभिवुवेत्ता चारं चरइ मंडलं अट्ठारसहिं तीसेहिं० छेत्ता, तया णं अट्ठारसमुहुत्ता राई भवइ चउहिँ एगट्ठिभागमुहुत्तेहिं ऊणा, दुवालस' मुहुत्ते दिवसे भवइ चउहिं एगट्ठिभागमुहुत्तेहिं अहिए, एवं खलु एएणुवाएणं पविसमाणे सूरिए तयाणंतराओ तयाणंतरं मंडलाओ मंडलं संकममाणे 2 एगमेगेणं राइदिएणं एगमेगं भागं ओयाए रयणिखेत्तस्स णिबुड्डेमाणे 2 दिवसखेत्तस्स अभिवड्डेमाणे 2 सव्वभंतरं मंडलं उवसंकमित्ता चारं चरद्द, ता जया णं सूरिए सव्वबाहिराओ मंडलाओ सव्वन्भंतरं मंडलं उवसंकमित्ता चार चरइ तया णं सव्वबाहिरं मंडलं पणिहाय एगेणं तेसीएणं राइंदियसएणं एग तेसीय भागसयं ओयाए रयणिखेत्तस्स णिवुड्वेत्ता दिवसखेत्तस्स अभिववेत्ता चारं चरइ मंडलं अट्ठारसतीसेहि सएहि छेत्ता, तया णं उत्तमकट्टपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई भवइ, एस णं दोच्चे छम्मासे, एस णं दोच्चस्स छम्मासस्स पजवसाणे, एस णं आइच्चे संवच्छरे, एस णं आइच्चस्स संवच्छरस्स पजवसाणे / 25 / छठें पाहुडं समत्तं // 6 // ___ सत्तमं पाहुडं ता किं ते सूरियं वरंति आहिताति वएजा ? तत्थ खलु इमाओ वीसं पडिवत्तीओ पण्णत्ताओ, तं०-तत्थेगे एवमाहंसु-ता मंदरे णं पव्वए सूरियं वरयइ आहितेति वएजा एगे एवमाहंसु 1, एगे पुण एवमाहंसु-ता मेरू णं.पव्वए सूरियं वरइ आहितेति वएजा० 2, एवं एएणं अभिलावेणं णेयव्वं जाव पव्वयराए णं पव्वए सूरियं वरयइ आहितेति वएजा एगे एवमाहंसु 20, वयं पुण एवं वयामो-ता मंदरेवि पवुच्चइ तहेव जाव पव्वयराएवि पत्रुच्चइ, ता जे णं पोग्गला सूरियस्स लेसं पु.संति ते णं पोग्गला सूरियं वरयंति, अदिहावि णं पोग्गला सूरियं वरयंति, चरमलेस्संतरगयावि णं पोग्गला सूरियं वरयंति० // 26 // सत्तम पाहुडं समत्तं // 7 // अट्टमं पाहुडं ता, कहं ते उदयसंठिई आहितेति वएजा ? तत्थ खलु इमाओ तिण्णि पडिवत्तीओ पण्णत्ताओ, तं०–तत्थेगे एवमाहंसु–ता जया णं जंबुद्दीवे 2 दाहिणड्डे
