________________ चंदपण्णत्ती पा. 4 773 मंति एगे एक्माहंसु १२,वयं पुण एवं वयामो-ता अयण्णं जंबुद्दीवे 2 सव्वदीवसमुद्दाणं जाव परिक्खेवेणं पण्णत्ते, से णं एगाए जगईए सव्वओ समंता संपरिक्खित्ते, सा णं जगई तहेव जहा जंबूदीवपण्णत्तीए जाव एवामेव सपुव्वावरेणं जंबुद्दीवे 2 चोद्दससलिलासयसहस्सा छप्पण्णं च सलिलासहस्सा भवंत ति मक्खाया जंबुद्दीवे णं दीवे पंचचक्कभागसंठिए आहिएति वएजा, ता कहं जंबुद्दीवे 2 पंचचक्कभागसंठिए आहिएति वएजा ? ता जया णं एए दुवे सूरिया सव्वभंतरं मंडल उवसंकमित्ता चारं चरंति तया णं जंबुद्दीवस्स 2 तिण्णि पंचचक्कभागे ओभासंति... तंजहा-एगेवि एगं दिवढं पंचचक्कभागं ओभासह"", एगेवि एगं दिवढे पंचचकभागं ओभासेइ"", तया णं उत्तमकट्ठपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई भवइ, ता जया णं एए दुवे सूरिया सव्वबाहिरं मंडलं उवसंकमित्ता चारं चरंति तया णं जंबुद्दीवस्स 2 दोण्णि चक्कभागे ओभासंति"ता एगेवि सूरिए एगं पंचचकवालभार्गओभासइ उज्जोवेइ तवेइ पभासेइ, एगेवि एग पंचचक्कवालभागं ओभासइ", तया णं उत्तमकट्ठपत्ता उवकोसिया अट्ठारसमुहुत्ता राई भवइ, जहण्णए दुवालसमुहुत्ते दिवसे भवइ // 22 // तइयं पाहुडं समत्तं // 3 // चउत्थं पाहुडं - ता कहं ते सेयाए संठिई आहिताति वएज्जा ? तत्थ खलु इमा दुविहा संठिई पण्णत्ता, तंजहा-चंदिमसूरियसंठिई य तावक्खेत्तसंठिई य,ता कहं ते चंदिमसूरियसंठिई आहिताति वएजा ? तत्थ खल्लु इमाओ सोलस पडिवत्तीओ पण्णत्ताओ, तं०-तत्येगे एवमाहंसु-ता समचउरंससंठिया णं चंदिमसूरियसंठिई०एगे एवमाहंसु 1, एगे पुण एवमाहंसु-ता विसमचउरंससंठिया णं चंदिमसूरियसंठिई पण्णत्ता०२, एवं एएणं अभिलावणं समचउक्कोणसंठिया ३,विसमचउक्कोणसंठिया ४,समचक्कबालसंठिया 5, विसमचक्कवालसंठिया 6, "ता चक्कद्धचक्कवालसंठिया'"पण्णत्ता एगे एवमाहंसु 7, एगे पुण एवमाहंसु-ता छत्तागारसंटिया णं चंदिमसूरियसंठिई पण्णत्ता० 8, एवं गेहसंठिया 9, गेहावणसंटिया 10, पासायसंठिया 11, गोपुरसंठिया 12, पेच्छाघरसंठिया 13, वलभीसंठिया 14, हम्मियतलसंटिया 15, एगे पुण एवमाहंसु-ता वालग्गपोइयासंटिया णं चंदिमसूरियसंटिई पण्णत्ता० 16, तत्थ जे ते एवमाहंसु-ता समचउरंससंठिया णं चंदिमसूरियसंठिई पण्णत्ता०, एवं
