________________ 762 अनंगपविट्ठसुत्ताणि सयं ओगाहित्ता चारं चरइ, तया णं उत्तमकट्ठपत्ते उबकोसए अट्ठारसमुहुत्ते दिवसे भवइ, जहणिया दुवालसमुहुत्ता राई भवइ, एवं सब्दबाहिरेवि, णवरं लवणसमुदं तिणि तीसे जोयणसए ओगाहित्ता चारं चरइ, तया णं उत्तमकट्ठपत्ता उक्कोसिया अट्ठारसमुहुत्ता राई भवइ, जहण्णए दुवालसमुहुत्ते दिवसे भवइ, गाहाओ भाणियव्वाओ // 15 // पढमस्स पाहुडस्स पंचमं पाहुडपाहुडं समत्तं।१-५॥ ___ता केवइयं(ते)एगमेगेणं राइंदिएणं विकंपइत्ता 2 सूरिए चारं चरइ आहितेति वएजा ? तत्थ खलु इमाओ सत्त पडिवत्तीओ पण्णत्ताओ, तं०-तत्थेगे एवमाहंसुता दो जोयणाई अद्धदुचत्तालीसं तेसीयसयभागे जोयणस्स एगमेगेणं राइदिएणं विकंपइत्ता 2 सूरिए चारं चरइ०एगे एवमाहंसु 1, एगे पुण एवमाहंसु-ता अड्ढाइजाई जोयणाई एगमेगेणं राइदिएणं विकंपइत्ता 2 सूरिए चार चरइ०एगे एवमाहंसु २,एगे पुण एवमाहंसु-ता तिभागूणाई तिण्णि जोयणाई एंगमेगेणं राइदिएणं विकंपइत्ता 2 सूरिए चारं चरइ० एगे एवमाहंसु 3, एगे पुण एवमाहंसु-ता तिण्णि जोयणाई अद्धसीयालीसं च तेसीइसयभागे जोयणस्स एगमेगेणं राइदिएणं विकंपइत्ता 2 सूरिए चारं चरइ० एगे एवमाहंसु 4, एगे पुण एवमाइंसु-ता अछुट्टाई जोयणाई एगमेगेणं राइदिएणं विकंपइत्ता 2 सूरिए चारं चरइ० एगे एवमाहंसु 5 एगे पुण एवमाहंसु-ता चउभागूणाई चत्तारि जोयणाई एगमेगेणं राइदिएणं विकंपइत्ता 2 सूरिए चारं चरइ० एगे एवमासु 6, एगे पुण एवमाहंसु-ता चत्तारि जोयणाइं अद्धबावण्णं च तेसीइसयभागे जोयणस्स एगमेगेणं राइदिएणं विकंपइत्ता 2 सूरिए चारं चरइ० एगे एवमासु 7 / वयं पुण एवं वयामो-ता दो जोयणाई अडयालीसं च एगट्ठिभागे जोयणस्स एगमेगं मंडलं एगमेगेणं राइदिएणं विकंपइत्ता 2 सूरिए चारं चरइ०, तत्थ णं को हेऊति वएजा ? ता अयण्णं जंबूदीवे 2 जाव परिक्खेवेणं पण्णत्ते, ता जया णं सूरिए सव्वन्भंतरं मंडलं उवसंकमित्ता चारं चरइ तया णं उत्तमकट्ठपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई भवइ, से णिक्खममाणे सूरिए णवं संवच्छरं अयमाणे पढमंसि अहोरत्तंसि आभितराणंतरं मंडलं उवसंकमित्ता चारं चरइ, ता जया णं सूरिए आभितराणंतरं मंडलं उवसंकमित्ता चारं चरइ तया णं दो जोयणाई अडयालीसं च एगट्ठिभागे जोयणस्स एगेणं राइदिएणं विकंपइत्ता चारं चरइ, तया णं अट्ठारसमुहुत्ते दिवसे भवइ दोहें एगट्ठिभागमुहत्तोहं ऊणे, दुवालसमुहत्ता राई भवई दोहं एगद्विभागमुहत्तेहिं अहिया। से णिक्खममाणे सूरिए दोच्चंसि अहोरत्तंसि आभितरं तच्चं मंडलं
