________________ जंबुद्दीवपण्णत्ती व. 7 746 सव्वग्गेणं प० 1 गो० ! तिण्णि छलुत्तरा णिहिरयणसया सव्वग्गेणं 50, जम्बुद्दीवे -णं भंते ! दीवे केवइया णिहिरयणसया परिभोगत्ताए हव्वमागच्छंति ? गोयमा ! जहण्णपए छत्तीसं उक्कोसपए दोण्णि सत्तरा णिहिरयणसया परिभोगत्ताए हव्वमागच्छंति, जम्बुद्दीवे. केवइया पंचिंदियरयणसया सव्वन्गेणं पण्णत्ता ? गो० ! दो दसुत्तरा पंचिंदियरयणसया सव्वन्गेणं पण्णत्ता, जम्बुद्दीवे० जहण्णपए वा उवकोसपए वा केवइया पंचिंदियरयणसया परिभोगत्ताए हव्वमागच्छंति ? गो० ! जहण्णपए अट्ठावीसं उक्कोसपए दोण्णि दसुत्तरा पंचिंदियरयणसया परिभोगत्ताए हव्वमागच्छंति, जम्बुद्दीवे णं भंते ! दीवे केवइया एगिंदियरयणसया सव्वग्गेणं प० ? गो० ! दो दंसुत्तरा एगिदियरयणसया सव्वग्गेणं प०, जम्बुद्दीवे णं भंते ! दीवे केवइया एगिदियरयणसया परिभोगत्ताए हव्वमागच्छंति ? गो० ! जहण्णपए अट्ठावीसं उक्कोसेणं दोण्णि दसुत्तरा एरागैदियरयणसया परिभोगत्ताए हव्वमागच्छंति // 175 // जम्बुद्दीवे णं भंते ! दीवे केवइयं आयामविक्खम्भेणं केवइयं परिक्खेवेणं केवइयं उन्वेहेणं केवइयं उड़े उच्चत्तेणं केवइयं सव्वग्गेणं प० 1 गो० ! जम्बुद्दीवे 2 एगं जोयणसयसहस्सं आयामविक्खम्भेणं तिण्णि जोयणसयसहस्साइं सोलस य सहस्साई दोण्णि य सत्तावीसे जोयणसए तिण्णि य कोसे अट्ठावीसं च धणुसयं तेरस य अंगुलाइं अद्धंगुलं च किंचिविसेसाहियं परिक्खेवेणं प०, एगं जोयणसहस्सं उन्वेहेणं णवणउइं जोयणसहस्साइं साइरेगाइं उढें उच्चत्तेणं साइरेगंजोयणसयसहस्सं सव्वग्गेणं पण्णत्ते // 176 / / जम्बुद्दीवे णं भंते ! दीवे किं सासए असासए ? गोयमा ! सिय सासए सिय असासए, से केणटेणं भंते ! एवं बुच्चइ-सिय सासए सिय असासए ? गो० ! दवट्ठयाए सासए वण्णपजवेहिं गंध० रस० फासपजवेहि असासए, से तेण. टेणं गो० ! एवं वुच्चइ-सिय सासए सिय असासए / जम्बुद्दीवे णं भंते ! दीवे कालओ केवचिरं होइ ? गोयमा ! ण कयावि णासि ण कयावि णत्थि ण कयावि ण भविस्सइ भुवं च भवइ य भविस्सइ य धुवे णिइए सासए अक्खए अव्वए अवट्ठिए णिच्चे जम्बुद्दीवे दीवे पण्णत्ते इति // 177 / / जम्बुद्दीवे णं भंते ! दीवे किं . * पुढविपरिणाम आउपरिणामे जीवपरिणामे पोग्गलपरिणामे ? गोयमा ! पुढविपरि णामेवि आउंपरिणामेवि जीवपरिणामेवि पुग्गलपरिणामेवि / जम्बुद्दीवे णं भंते ! दीवे सव्वपाणा सव्वजीवा सव्वभूया सव्वसत्ता पुढविकाइयत्ताए आउकाइयत्ताए तेउकाइयत्ताए वाउकाइयत्ताए वणस्सइकाइयत्ताए उववण्णपुव्वा ? हंता गो०! असई
