________________ जंबुद्दीवपण्णत्ती व. 7 736 पुस्सायणे -7 य अस्सायणे य 8 भग्गवेसे 9 य अग्गिवेसे 10 य / गोयम 11 भारद्दाए 12 लोहिच्चे 13 चेव वासिढे 14 // 2 // ओमजायण 15 मंडव्वायणे 16 य पिंगायणे 17 य गोषल्ले 18 / कासव 19 कोसिय 20 दब्मा 21 य चामरच्छाय 22 सुंगा य 23 // 3 // गोवल्लायण 24 तेगिच्छायणे 25 य कच्चायणे 26 हवइ मूले / तत्तो य वज्झियायण 27 वग्यावच्चे य गोत्ताई 28 // 4 // एएसि णं भंते ! अट्ठावीसाए णक्खत्तागं अभिईणव खत्ते किंसंठिए पण्णत्ते ? गोयमा ! गोसीसावलिसंठिए प०, गाहा-गोसीसावलि 1 काहार 2 सउणि 3 पुष्फोक्यार 4 वावी य 5-6 / णावा 7 आसक्खंधग 8 भग 9 छुरधरए 10 य सगडुद्धी 11 // 1 // मिगसीसावलि 12 रुहिरबिंदु 13 तुल 14 वद्धमाणग 15 पडागा 16 / पागारे 17 पलियंके 18-19 हत्थे 20 मुहपुल्लए 21 चेव // 2 // खीलग 22 दामणि 23 एगावली 24 य गयदंत 25 विच्छुअयले य 26 / गयविक्कमे 27 य तत्तो सीहणिसीही य 28 संठाणा // 159 // एएसिणं भंते ! अट्ठावीसाए णवखत्ताणं अभिईणखत्ते कइमुहुत्ते चंदेण सद्धिं जोगं जोएइ ? गोयमा ! णव मुहुत्ते सत्तावीसं च सत्तट्ठिभाए मुहुत्तस्स चंदेण सद्धिं जोगं जोएइ, एवं इमाहिं गाहाहिं अणुगंतत्वंअभिइस्स चंदजोगो सत्तट्ठिखंडिओ अहोरत्तो। ते हंति णव मुहत्ता सत्तावीसं कलाओ य // 1 // सयभिसया भरणीओ अद्दा अस्सेस साइ जेट्ठा य / एए छप्णक्वत्ता पण्णरसमुहुत्तसंजोगा / / 2 // तिण्णेव उत्तराई पुणव्वसू रोहिणी विसाहा य / एए छण्णक्खत्ता पणयालमुहुत्तसंजोगा ||3|| अवसेसा णक्खत्ता पण्णरसवि हंति तीसइमुहुत्ता / चंदमि एस जोगो णक्खत्ताणं मुणेयव्वो / / 4 / / एएसि णं भंते ! अट्ठावीसाए णक्खत्ताणं अभिईणक्खत्ते कइ अहोरत्ते सूरेण सद्धिं जोगं जोएइ ? गोयमा ! चत्तारि अहोरत्ते छच्च मुहुत्ते सूरेण सद्धिं जोगं जोएइ, एवं इमाहिँ गाहार्हि णेयव्यं-अभिई छच्च मुहुत्ते चत्तारि य केवले अहोरत्ते / सूरेण समं गच्छइ एत्तो सेसाण वोच्छामि // 1 // सयभिसया भरणीओ अद्दा अस्सेस साइ जेट्ठा य / वच्चंति मुहुत्ते इक्वीस छच्चेवऽहोरते // 2 // तिण्णेव उत्तराई पुणव्यसू रोहिणी विसाहा य / वच्चंति मुहत्ते तिण्णि चेव वीसं अहोरत्ते // 3 // अवसेसा णक्खता पण्णरसवि सूर'सहगया जंति / वारस चेव मुहुत्ते तेरस य समे अहोरत्ते // 4 // 160 // कइ णं भंते ! कुला कइ उवकुला कइ कुलोवकुला पण्णत्ता ? गोयमा ! बारस कुला बारस उवकुला चत्तारि कुलोवकुला पण्णत्ता, बारस कुला, तंजहा--णिट्ठाकुलं 1 उत्तरभद्द
