________________ 732 अनंगपविट्ठसुत्ताणि एएणं उवाएणं पविसमाणे चंदे जाव संकममाणे 2 बावत्तरि 2 जोयणाई एगावणं च एगसट्ठिभाए जोयणस्स एगसट्ठिभागं च सत्तहा छेत्ता एगं चुणियाभागं एगमेगे मण्डले विक्खम्भवुढिं णिबुड्ढमाणे 2 दो दो तीसाई जोयणसयाई परिरयवुड्ढेि णिबुड्ढेमाणे 2 सव्वभंतरं मण्डलं उवसंकमित्ता चारं चरइ // 147 // जया णं भंते ! चंदे सव्वभंतरमण्डलं उवसंकमित्ता चारं चरइ, तया णं एगमेगेणं मुहत्तेणं केवइयं खेत्तं गच्छइ ? गोयमा ! पंच जोयणसहस्साइं तेवत्तरिं च जोयणाइं सत्तत्तरि च चोयाले भागसए गच्छइ मण्डलं तेरसहिं सहस्सेहिं सत्तहि य पणवीसेहिं सए हिं छेत्ता इति, तया णं इहगयस्स मणूसस्स सीयालीसाए जोयणसहस्सेहिं दोहि य तेवढेहिं जोयणसएहिं एगवीसाए य सट्ठिभाएहिं जोयणस्स चंदे चक्खुप्फासं हव्वमागच्छइ / जया णं भंते ! चंदे अब्भतराणंतरं मण्डलं उवसंकमित्ता चारं चरइ जाव केवइयं खेत्तं गच्छइ ? गो०! पंच जोयणसहस्साई सत्तत्तरिंच जोयणाई छत्तीसं च चोयत्तरे भागसए गच्छइ मण्डलं तेरसहिं सहस्सेहिं जाव छेत्ता, जया णं भंते ! चंदे अब्भंतरतच्चं मण्डलं उवसंकमित्ता चारं चरइ तयाणं एगमेगेणं मुहुत्तेणं केवइयं खेत्तं गच्छइ ? गोयमा ! पंच जोयणसहस्साई असीइं च जोयणाई तेरस य भागसहस्साई तिणि य एगूणवीसे भागसए गच्छइ मण्डलं तेरसहिं जाव छेत्ता इति / एवं खलु एएणं उवाएणं णिक्खममाणे चंदे तयाणंतराओ जाव संकममाणे 2 तिण्णि 2 जोयणाई छण्णउई च पंचावण्णे भागसए एगमेगे मण्डले मुहुत्तगई अभिवड्वेमाणे 2 सव्वबाहिरं मण्डलं उवसंकमित्ता चारं चरइ, जया णं भंते ! चंदे सव्वबाहिरं मण्डलं उवसंकमित्ता चारं चरइ तया णं एगमेगेणं मुहत्तेणं केवइयं खेत्तं गच्छइ ? गोयमा ! पंच जोयणसहस्साई एगं च पणवीसं जोयणसयं अउणत्तरं च णउए भागसए गच्छइ मण्डलं तेरसहिं भागसहस्सेहिं सत्तहि य जाव छेत्ता इति, तया णं इहगयस्स मणूसस्स एकतीसाए जोयणसहस्सेहिं अट्ठहि य एगत्तीसेहिं जोयणसएहिं चंदे चक्खुप्फासं हव्वमागच्छइ, जया णं भंते ! बाहिराणंतरं पुच्छा, गोयमा ! पंच जोयणसहस्साइं एक्कं च एकवीसं जोयणसयं एक्कारस य सट्टे भागसहस्से गच्छइ मण्डलं तेरसहिं जाव छेत्ता, जया णं भंते ! बाहिरतच्चं पुच्छा, गोयमा! पंच जोयणसहस्साई एगं च अट्ठारसुत्तरं जोयणसयं चोद्दस य पंचुत्तरे मागसए गच्छइ मंडलं तेरसहिं सहस्सेहिं सत्तहिं पणवीसेहिं सएहिं छेत्ता, एवं खलु एएणं उवाएणं जाव संकममाणे 2 तिण्णि 2 जोयणाई छण्णउई च पंचावण्णे भागसए एगमेगे
