________________ ... जंबुद्दीवपण्णत्ती व. 7 721 सपुव्वावरेणं जंबुद्दीवे 2 हरिवासरम्मगवासेसु दो चरवीसा सलिलासयसहस्सा भवंतीतिमक्खायं, जंबुद्दीवे णं भंते ! दीवे महाविदेहे वासे कइ महाणईओ पण्णत्ताओ? गोयमा ! दो महाणईओ पण्णत्ताओ, तंजहा-सीया य सीओया य, तत्थ णं एगमेगा महाणई पंचहिँ 2 सलिलासयसहस्सेहिं बत्तीसाए य सलिलासहस्सेहिं समग्गा पुरस्थिमपञ्चत्थिमेणं लवणसमुदं समप्पेइ, एवामेव सपुव्वावरेणं जंबुद्दीवे दवे महाविदेहे वासे दस सलिलासयसहस्सा चउसटुिं च सलिलासहस्सा भवंत तिमवखायं / जंबुद्दीवे णं भंते ! दीवे मंदरस्स पव्वयस्स दक्खिणेणं केवइया सलिलासयसहस्सा पुरथिमपञ्चत्थिमाभिमुहा लवणसमुदं समप्पेंति ? गो० ! एगे छण्णउए सलिलासयसहस्से पुरस्थिमपञ्चत्थिमाभिमुहे लवणसमुदं समप्पेइ, जंबुद्दीवे णं भंते ! दर्द वे मंदरस्स पव्वयस्स उत्तरेणं केवइया सलिलासयसहस्सा पुरथिमपञ्चत्थिमाभिमुहा लवणसमुई समप्पैति ? गो० ! एगे छण्णउए सलिलासयसहस्से पुरथिमपञ्चत्थिमाभिमुहे जाव समप्पेइ, जंबुद्दीवे णं भंते ! दीवे केवइया सलिलासयसहस्सा पुरत्थाभिमुहा लवणसमुदं समप्पेंति ? गोयमा ! सत्त सलिलासयसहस्सा अट्ठार्व.सं च सहस्सा जाव समप्पंति, जंबुद्दीवे णं भंते ! दीवे केवइया सलिलासयसहस्सा पचत्थिमाभिमुहा लवणसमुदं समाति ? गोयमा! सत्त सलिलासयसहस्सा अट्ठावीसं च सहस्सा जाव समति ? एवामेव सप्मुव्वावरेणं जंबुद्दीवे दीवे चोद्दस सलिलासयसहस्सा छप्पण्णं च सहस्सा भवंतीतिमक्खायं / / 125 / / छट्ठो वक्खारो समत्तो // सत्तमो वक्खारो . जंबुद्दीवे णं भंते ! दीवे कइ चंदा पभासिंसु पभासंति पभासिस्संति कइ सूरिया तवइंसु तवेति तविस्संति केवइया णक्खत्ता जोगं जोइंसु जोयंति जोइस्संति केवइया महग्गहा चारं चरिंसु चरंति चरिस्संति केवइयाओ तारागणकोडाकोडीओ सोभिंसु सोभंति सोभिस्संति ? गोयमा ! दो चंदा पभासिंसु 3 दो सुरिया तवइंसु 3 छप्पण्णं णक्खत्ता जोगं जोइंसु 3 छांवत्तरं महग्गहसयं चारं चरिंसु ३-एगं च सयसहस्सं तेत्तीसं खलु भवे सहस्साई / णव य सया पण्णासा तारागणकोडिकोडीणं // 1 // ति // 126 // कइ णं भंते ! सूरमंडला पण्णत्ता ? गोयमा ! एगे चउरासीए मंडलसए पण्णत्ते / जंबुद्दीवे पं भंते ! दीवे केवइयं ओगाहित्ता केवइंया सूरमंडला पण्णत्ता ? गोयमा ! जंबुद्दीवे 2 असीयं जोयणसयं ओगाहित्ता एत्थ णं पण्णट्ठी सूरमंडला पण्णत्ता, लवणे णं भंते ! समुद्दे केवइयं ओगाहित्ता केवइया सूरमंडला पण्णत्ता ?
